Къабарты-Малкъарны Спорт министерствосунда Нальчикни акъылбалыкъ болмагъанланы ишлери эмда аланы эркинликлерин къоруулау жаны бла муниципал комиссиясыны себеплиги бла сабийле бла тюбешиу болгъанды. Анда сёз жаш адамланы физкультура эм спорт бла дайым кюреширге кёллендириуню юсюнден баргъанды.

Белгилисича, спорт инсанны аман къылыкъладан кери тутаргъа, аны аманлыкъчыланы алдаулу ниетлеринден сакъларгъа болушхан амалладан бириди. Инсанны жашауунда, аны ич дуниясын къурауда, саулугъун кючлеуде физкультураны, саулукълу жашау бардырыуну магъанасыны юсюнден спорт министрни орунбасары Заур Хежев айтханды. Оюмларын билим бериу учрежденияланы социал жаны бла устазлары да билдиргендиле, сабийлени да министерствогъа ала келтиргендиле.

Кульчаланы Зульфия.