«Свой стиль» зэгухьэныгъэм хэтхэм я къыкIэлъы­кIуэ гъэлъэгъуэныгъэр Налшык къалэм, ХьэтIохъущокъуэм и жыг хадэм ит ро­зэ­хэм я хьэ­сэхэм деж, къы­­щызэIуахащ. 

Гъэлъэгъуэныгъэм хагъэхьащ Шакманов Магомед, Бекоев Геннадий, Журт Хь­э­сэн, Лукьяненкэ Иван, Шипуновэ Иринэ, Пузенкэхэ Ми­хаилрэ Дмитрийрэ, Байсиев Ахъмэт, Подвэ Александр, ди лэжьэгъу Къарей Элинэ сымэ я сурэтхэр. Лэжьыгъэхэр зытеухуа и лъэныкъуэкIэ куэду зэщхьэщыкIырт, натюрмортхэр, гъэм и зэманхэм я теплъэхэр, псом хуэмыдэу щIымахуэр къыщыгъэлъэ­гъуахэр, цIыху сурэтхэр, щIы­уэ­псыр, къалэхэр, тхыдэри нобэри къызэщIаубыдэу. Къы­жыIапхъэщ, мы сурэт щхъуэкIэплъыкIэхэм жыг хадэ зыгъэпсэхупIэм ущеплъыну нэхъри зэрыщIэщыгъуэр!
«Свой стиль» клубыр къы­зэIузыха икIи абы и унафэщI Лукьяненкэ Иван гъэлъэ­гъуэ­ныгъэм зыкърезыгъэхьэлIахэм защыхуигъазэм жиIащ 2004 гъэ лъандэрэ я IуэхущIапIэр зэрылажьэр, нэгъабэ илъэс 20 зэрырикъуар. Клу­бым су­рэ­тыщIхэм я зэпеуэ­хэри къы­зэрегъэпэщ. Сурэт те­­­хыным дихьэх щIалэгъуа­лэр утыку къихьэнымкIэ, ахэр щIы­налъэм къыщацIыху­ным­кIэ клубыр дэIэпыкъуэгъу мэхъу.
Мыпхуэдэ гъэлъэгъуэныгъэ нэгъабэ гъэмахуэм япэу екIуэкIащ сурэттеххэм я лэ­жьыгъэхэр фIыуэ зылъагъу­хэм я деж щIэупщIэ щиIэу. Фотоклубым хэтхэм я лэжьыгъэхэр зэрагъэлъагъуэм и фIыгъэкIэ куэдым къацIыхуащи, абы хыхьэну гупыж зыщIхэм я бжыгъэм къыхо­хъуэ, сурэтыщI гъуазджэм щIыналъэм зыщиужьынымкIэ сэбэп мэхъу. 
Мы Iуэху дахэм я гуапэу хэтащ сурэттех гъуазджэм дихьэххэр, Налшык къалэм и хьэщIэхэр, сурэттеххэм я благъэхэр, ныбжьэгъухэр. 
БЖЬЫХЬЭ  Розэ.
Сурэтхэр
Къарей Элинэ трихащ.