Махъсидэ Елизаветэ дрогушхуэ

10 декабря, 2024 - 06:03

Иджыблагъэ хъыбар къызэрытIэрыхьамкIэ, гимнасткэ ныбжьыщIэ Махъсидэ Елизаветэ зыщегъасэ тренер цIэрыIуэ Винер Иринэ и центру Мэзкуу областым и Новогорск къалэм щыIэм, ауэ зэхьэзэхуэхэм щыхэтым деж Къэбэрдей-Балъкъэрым и ныпым щIоувэ. 

Псалъэм къыдэкIуэу, Кавказ Ищхъэрэм художественнэ гимнастикэмкIэ пашэныгъэр къыщыхьыным хуэунэтIауэ мы гъэм екIуэкIа зэпеуэм домбеякъ медаль къыщихьащ адыгэ пщащэ цIыкIум. Абы нэмыщI, ар хэтащ фокIадэм ирагъэкIуэкIа «Клубхэм я лигэ» зэхьэзэхуэ зэIухам. Топыр иIыгъыу абы утыкум къыщигъэлъэгъуахэм щхьэкIэ етIуанэ увыпIэр къратащ.
2024 гъэм и щэкIуэгъуэм зэхэта «Урысейм и гугъапIэхэр» къэралпсо зэхьэзэхуэм абы гу къыщылъитащ УФ-м щIыхь зиIэ и тренер Дьяченкэ Аннэ икIи хъыджэбз цIыкIу зэчиифIэр иригъэблэгъащ езым къызэригъэпэща турнирым хигъэтыну. Абы Елизаветэ къыщыфIащащ «Псоми къахэлыдыкI икIи утыкум екIуу ит гимнасткэ» цIэ лъапIэр. УФ-м и Кубокыр къэхьыным хуэунэтIауэ екIуэкIа зэхьэзэхуэми а цIэ дыдэр Махъсидэм къыщыфIищащ Винер Иринэ. 
Иджыпсту гимнасткэ ныбжьыщIэм зыхуегъэхьэзыр Кавказ Ищхъэрэмрэ Урысей Ипщэмрэ художественнэ гимнастикэмкIэ пашэныгъэр къыщыхьыным хуэунэтIауэ етIанэгъэ щIышылэм Къалмыкъым и къалащхьэ Элиста щекIуэкIыну зэIущIэм. 
Махъсидэ Елизаветэ и тренерыр Коротковэ Натальещ.

АЛБЕРДЫКЪУЭ Iэмин.

  • 19 просмотров

Поделиться:

ЧИТАТЬ ТАКЖЕ:

19.01.2026 - 15:59

Налшыкыпсым и Iуфэр мыгувэу къыпхуэцIыхужынукъым

КъБР-м и Iэтащхьэ КIуэкIуэ Казбек зыщигъэгъуэзащ Нал- шык къалэ 2-нэ Тамань дивизэм и цIэр зезыхьэ и уэрамым къыщызэрагъэпэщ спорт-нэгузыужь IуэхущIапIэхэм лэжьыгъэр зэрыщекIуэкIым.
19.01.2026 - 10:01

Зэлэжьынур ягъэбелджылы

КъБР-м и Парламентым и Президиумым гъатхэ лэжьэгъуэм хыхьэу и япэ зэIущIэр екIуэкIащ. 
19.01.2026 - 09:24

IэмалыщIэхэм нэхъ трагъащIэ

КъБР-м и Iэтащхьэ КIуэкIуэ Казбек лэжьыгъэ IуэхукIэ хуэзащ Къэбэрдей-Балъкъэр Республикэм бжыгъэхэр зи лъабжьэ зыужьыныгъэмкIэ, связымрэ цIыхубэ зэпы­щIэныгъэхэмкIэ и министр Бозий Аскэр.
19.01.2026 - 09:22

Нэхъыбэж къызэщIаубыдэ

«Хэкум и хъумакIуэхэр» къэрал фондым и къудамэу КъБР-м щыIэм и унафэщI Дадэ МуIэед КъБР-м и Iэтащхьэ КIуэкIуэ Казбек хуиIуэтащ блэ­кIа илъэсым ирагъэкIуэкIа лэ­жьы­­гъэхэмрэ абыхэм къапэкIуа­хэмрэ.
19.01.2026 - 09:21

«Унащхьэм» щызэрагъэзахуэхэр

Адыгэбзэр, адыгэ хабзэр, щэнхабзэр хъу­мэным зи лэжьыгъэр теухуа «Адыгэ дуней» лъэпкъ фондым къызэригъэпэща «Сыринэ» ныбжьыщIэ адыгэ театр-студием иджыблагъэ утыку кърихьащ драматург, усакIуэ, «Жан