Къалэн нэхъыщхьэр цIыхубэм я Iуэху дэгъэкIынырщ

9 декабря, 2024 - 06:13

КъБР-м и Iэтащхьэ КIуэкIуэ Казбек УФ-м и Президентым и деж щыIэ Стратегие зыужьы­ныгъэмрэ лъэпкъ проектхэмкIэ советым и зэIущIэм кърикIуам зэреплъыр къигъэлъэгъуащ:

- Стратегие зыужьыныгъэм­рэ лъэпкъ проектхэмкIэ советым и зэIущIэм ди Президент Путин Владимир 2019 - 2024 гъэхэм языныкъуэ лъэпкъ проектхэр зэрагъэзэщIар къы­щы­зэ­щIикъуэжащ икIи 2025 - 2030 гъэхэм зэфIагъэкIыну къы­халъхьа проект 19-м ятеухуа пщэрылъхэр къигъэлъэгъуащ. 
Ди къэралым и экономикэ, социальнэ унэтIыныгъэ псоми лэжьыгъэш­хуэ щрагъэ­кIуэ­кIащ. Къэбэрдей-Балъкъэрым иужьрей илъэ­ситхум щаухуащ икIи щызэрагъэпэщыжащ узын­шагъэр хъумэн, егъэ­джэныгъэ, щэнхабзэ, спорт IэнатIэхэм я IуэхущIапIэу 100-м щIигъу. ЦIыху­хэм хуащIэ къэ­рал Iуэху­тхьэбзэхэм я фIагъым хэп­щIы­кIыу хэхъуащ, ар куэдкIэ и фIыгъэщ IэнатIэхэр бжыгъэр зи ­лъабжьэ Iуэху зехьэкIэм ­зэ­рытехьам. ДэIэпыкъуныгъэ ­хъарзынэхэр яIэрыхьащ хьэры­чэтыщIэ Iуэху мыинымрэ куры­тымрэ, абы Iэмал къаритащ ­мэкъумэш хозяйствэм, про­мышленностым, туризмэм нэхъ жыджэру зрагъэужьыну.
Президентым и жэрдэмхэр хуэунэтIащ цIыхухэм я щыIэкIэ-псэукIэр егъэфIэкIуэным. Къэ­ралым и УнафэщIым къы­хи­гъэщащ щIыналъэхэр лъэпкъ проектым жыджэру хэтыным мыхьэнэшхуэ зэриIэр. Къалэн нэхъыщхьэр цIыхубэм я Iуэху ­дэгъэкIынырщ, сабий зиIэ унагъуэхэм, бынунагъуэшхуэхэм защIэгъэкъуэнырщ, дунейм къы­техьэ сабийхэм я бжыгъэм ­хэгъэхъуэнырщ, къуажэхэм ­псэу­кIэр щегъэфIэкIуэнырщ, ­нэ­хъыжьхэмрэ щIалэгъуалэмрэ ядэIэпыкъунырщ.
Лъэпкъ проектхэр гъэзэ­щIэ­нымкIэ Къэбэрдей-Балъкъэрыр яхохьэ а Iуэхум щыпашэу къалъыта щIыналъэхэм. Шэч къытесхьэркъым лъэпкъ проекты­щIэхэр гъэзэщIэнми дызэре­хъулIэнум, къэрал УнафэщIым къигъэува къалэнхэр зэфIэхы­ным­кIэ тхузэфIэкI псори зэ­рыдлэ­жьынум.

  • 14 просмотров

Поделиться:

ЧИТАТЬ ТАКЖЕ:

16.07.2025 - 09:48

Жылагъуэ гупсысэр еунэтI

КъБР-м и Iэтащхьэ КIуэкIуэ Казбек и телеграм-каналым щехъуэхъуащ Кавказ Ищхъэрэ федеральнэ щIыналъэм и хъыбарегъащIэ IуэхущIапIэм (РИЦ). Ар Псыхуабэ къызэрыщыщызэIуахрэ илъэс ирикъуащ.
16.07.2025 - 09:46

Тхылъ хъумапIэм и лъахэхутэ къудамэм

Мэлбахъуэ Тимборэ и цIэр зезыхьэ Лъэпкъ къэрал библиотекэм и лъахэхутэ къудамэм лэжьыгъэм зыщагъэ­гъуа­зэу тхьэмахуитIкIэ щIэ­ныгъэ-къэхутэныгъэ практикэ щыIащ КъБКъУ-м и фи­­­лологие институтым ад
15.07.2025 - 09:03

ЛIэщIыгъуэ зи ныбжь нэхъыжьыфI

Бахъсэн къалэм ЩоджэнцIыкIу Алий и цIэр зезыхьэ и курыт еджапIэ №2-м щекIуэкIащ Волгоград къикIа хьэщIэхэр зыхэта зэхыхьэ.
15.07.2025 - 08:57

Унагъуэр зэпэщмэ, лъэпкъыр узыншэщ

ЩIы хъурейм лъэпкъыу тетым я дуней лъагъукIэм зы лъабжьэщ иIэр: щыIэныгъэм хэмыкIуэдэжу дунейр щIэблэщIэм къазэрыхуагъэнэнум хуэгъэпса щэнхабзэ къэгъэщIынырщ.
15.07.2025 - 08:56

ГукъэкIыжхэр унагъуэхэм щахъумэ

Налшык къалэм и Бзылъхугъэхэм я зэгухьэныгъэм Унагъуэм, лъагъуныгъэм, зэхуэпэжыным я махуэм ирихьэлIэу къызэригъэпэщащ «Хэку зауэшхуэм теухуа гукъэкIыжхэр унагъуэхэм щахъумэ» зыфIаща зэхыхьэр.