Республиканы Курортла эм туризм министерствосундан билдиргенлерине кёре, быйылны тогъуз айында туризм жолоучулукъланы саны бегирек ёсген юч регион -Сибирь, Юг эмда Кавказ болгъандыла.

Биринчи жерни Сибирь алгъанды, былтыргъы кёрюмле бла тенглешдиргенде,  анда ёсюм 15,3 процент болгъанды. Экинчи жерни, тёреде бола келгенича, жылы регионла ычхындырмайдыла, анда ёсюм 14,8 процентди, солугъанланы саны уа 12,3 миллионнга жетгенди. Ючюнчю жерде уа Шимал Кавказ орналгъанды, мында жолоучулукъланы саны 13,9 процентге ёсюп, 2,3 миллион болгъанды.

Саулай да къыралда ич туризм тири айныйды, анга шагъатлыкъны уа тарихле этедиле. Росстатдан айтханларыча, Россейде жолоучулукъланы сайлагъанланы саны 35,5 миллионнга жетгенди, ол былтырны аллай болжалындан 11 процентге асламды.

Кульчаланы Зульфия.