Къабарты-Малкъар къырал университетни физкультура-саулукъну кючлеу арасында 2009-2012 жыллада туугъан спортчуланы боксдан  «Чемпионланы жаратылыулары» деген  эришиулери  болгъанды. Ол Нальчикни 300-жыллыгъына аталып бардырылгъанды.

 Черек районну биринчи номерли спорт школуну келечилери анда аслам майдал къоллу болгъандыла. Къызыу сермешледе кеслерини ауурлукъ къауумларында алтын майдалланы Ахкёбекланы Илияс (Бызынгы), Газаланы Муса (Огъары Малкъар), Улбашланы Тамерлан бла Артур (Бабугент)  алгъандыла. Чочайланы Заур, Ахкёбекланы Аликанте, Текеланы Алан, Холаланы Аслан (барысы да Бызынгыдандыла) экинчиле болгъандыла. Аланы тренерле Герийланы Х., Чаналаны М., Чочайланы Р., Сараккуланы Р., Герийланы Р., Цийкъанланы А. юйретедиле.

Кульчаланы Зульфия.