КъМР-ни Башчысы Казбек Коков РФ-ни Къырал советини Власть органланы келишимде эмда байламлыкъда ишлеулерин жалчытыу жаны бла комиссиясыны къауумуна киргенди. «2024 жылда июльда къыралны таматасы Къырал советни президиумун жангыртханды эмда аны къыралны социал-экономика айнытыу ызлары жаны бла комиссияларыны къурамларын алышындыргъанды.
Госсоветни Власть органланы байламлыкъда ишлеу жаны бла комиссияларыны къаууму бюгюнлюкде Россейни Президенти Владимир Путинни буйругъу бла къабыл кёрюлгенди. Документ право информацияны порталында басмаланыпды. «Россей Федерацияны Къырал советини Власть органланы келишимде эмда байламлыкъда ишлеулерин жалчытыу комиссиясыны къауумун къабыл кёрюрге», – деп айтылынады анда.
Комиссияны председатели РФ-ни Президентини Администрациясыны таматасы Антон Вайно болгъанды, аны орунбасары – РФ-ни Президентини Администрациясыны таматасыны биринчи орунбасары Сергей Кириенко.
Комиссияны келечилерине РФ-ни Президентини Къырал-право управлениясыны таматасы Лариса Брычева, РФ-ни Правительствосуну Председателини орунбасары – РФ-ни Правительствосуну Аппаратыны таматасы Дмитрий Григоренко, РФ-ни Президентини болушлукъчусу, РФ-ни Къырал советини секретары Алексей Дюмин, Федерация Советни Конституция законодательствосу эм къырал къурулуш комитетини председатели Андрей Клишас, Приморский крайны губернатору, Госсоветни «Туризм» ызда комиссиясыны председатели Олег Кожемяко, КъМР-ни Башчысы Казбек Коков, РФ-ни Генеральный прокурору Игорь Краснов, Къырал Думаны Къырал къурулуш эм законодательство комитетини председатели Павел Крашенинников, РФ-ни Жамауат палатасыны секретары Лидия Михеева, Нижегородская областьны губернатору, Къырал советни «Экология ырахатлыкъ» ызда комиссиясыны председатели Глеб Никитин, Севастополь шахарны губернатору, Къырал советни «Маданият эм тин къыйматла» ызда комиссиясыны председатели Михаил Развожаев, Мурманск шахарны администрациясыны таматасы Юрий Сердечкин, Москваны мэри, Къырал советни «Къырал эм муниципал управление» ызда комиссиясыны председатели Сергей Собянин, Челябинск областьны губернатору, Къырал советни «Экономика эм финансла» ызда комиссиясыны председатели Алексей Текслер, Алтайский крайны губернатору Виктор Томенко эмда РФ-ни юстиция министри Константин Чуйченко салыннгандыла.
Ол буйрукъ бла Къырал советни РФ-ни субъектлерини толтуруучу органларыны ишлерини координациялары эм магъаналылыкълары жаны бла комиссиясы да къабыл кёрюлгенди.
