АТА ЖУРТНУ БАГЪАЛАРГЪА, КЪОРУУЛАРГЪА ЧАКЪЫРА

Бу кюнледе Къабарты-Малкъарны Владимир Вороков атлы культура фондунда «Мен сени сюеме, Россеё!» деген аты бла Россейни  эмда Орус тилни кюнлерине  аталгъан тюбешиу болгъанды. Аны Женгил промышленность колледжни директоруну юйретиу жаны бла кенгешчиси Марита Жамбекова  эм колледжни студенти Малик Небежев  бардыргъандыла. 

Тюбешиге Къабарты-Малкъарда миллет культураланы араларыны келечилери, сагъынылгъану колледжини студентлери, назму окъургъа сюйген, поэзия конкурслада хорлагъан сабийле, «Альтернатива» сабий  коллектив, «Театр&Слово» атлы студия,  «Арабеск»  юлгюлю хореография ансамбль эмда «Родина»  къазакъ халкъ хорда жырлагъанла келгендиле. 
Жыйылыуну аллында экранда «Россия» деген ролик кёргюзтюлгенди. Ызы бла Амелия Яровикова Ата журтубузгъа аталгъан назму окъугъанды. Анда бизни республикада жашагъан миллетлени атлары сагъынылгъандыла. Аланы бир этген орус тил бла Россей болгъанлары айтылгъанды. Андан сора Россейни  Къырал Гимни согъулгъанды. Анга ары келгенле сюелип тынгылагъандыла. 
Фондну председатели Люаза Макоевагъа бу эки уллу да, магъаналы да байрамланы тарыхларыны юслеринден айтханды, сора ары келгенлени жюрегинден алгъышлап, алагъа саулукъ, кёп игилик тежегенди.

Концерт программа уа  «Арабеск»  ансамбльни тепсеую бла башланнганды. Тюбешиуню ишин элтгенле, кезиу-кезиу орус тилни бизни жашауубузда магъанасын айта, ол Россейни халкъларыны барыны да миллет байлыгъы болгъанын, арабызда байламлыкъланы кючлегенин, тин эм маданият жашауубузну кесеги болуп къалгъанын  чертгендиле. Орус тил бизни юйлерибизге орус закий, классик Александр Пушкинни аты бла киргенин айтып, ала сёзню назму окъууда кёп тюрлю конкурслада хорлагъан сабийлеге бергендиле. Этезланы Саида Владимир Вороков А.С. Пушкиннге атагъан назмуну окъугъанды. Залина Батырова уа ёмюрлени шайырыны «Кавказ» назмусун айтханды.

Ызы бла анда болгъанла «Тайны Лукоморья» деген сейир жолоучулукъгъа атланнгандыла. Ол оюн бек сейир халда, соруу, жууап бла, саугъала бла баргъанды.

Ол кюн анда назму айтханла дагъыда болгъандыла. Орус поэт Леонид Северни «Россия» деген назмусун халкъла аралы конкурсланы лауреаты Эльмира Афаунова, «Къабарты бла Россей  бирдиле» дегенни  Арианна Алхасова, Къулийланы Къайсынны «Салам, эрттенлик!» деген назмусун «Кязимни окъууларында», «Къайсынны окъууларында» да алчы жерлеге чыкъгъан  Башийланы Саида, «Россей, бизни багъалыбыз» дегенни Башийланы Сулейман,  Евгений Евтушенкону «Оруслула урушну сюемидиле?» деген назмусун а Анна Шапошникова айтхандыла.

«Арабеск»  къауум дагъыда бир ненча тепсеу бла къууандыргъанды. «Альтернативачыла» уа назмула окъугъандыла, жырла да айтхандыла. Быллай жерлеге тилетмей, кётюрюлюп келип къалыучу «Родина» атлы къазакъ хорчула уа  «Минги тау», «Жырла, къобузум»  деген жырлагъа тынгылар,  алагъа къошулуп жырлар онг да бергендиле. 

Бу къууанчлы тюбешиуде Уллу Россейни, бизни гитче Ата журтубуз Къабарты-Малкъарны юсюнден да кёп ариу сёз айтылгъанды. Ол сёзлени мурдорларыча, юлгюге кёп ахшы ишле келтирилгендиле. Хар бир сёз къыралыбызны кючлюлюгюн белгилегенди. Ол кюч а анга аны чеклеринде жашагъан халкъланы бирликлеринден келгенин да чертгендиле.  Андан сора ары келгенле къабыргъада Халкъ мюлкню жетишимлерини кёрмючюне къарагъандыла.  

Былай байрамла азатлыкъны, инсан мамырлыкъны, бир бирни ангылауну, уллу къыралыбызны келлик кюнюне ийнаныуну кёргюзтуле.   
Ата журтубузгъа сюймеклигибизни айтдыргъан жыйылыуну къурагъанла, къыралыбызны келлик кюню къаллай боллугъуна барыбыз да жууаплы болгъаныбызны эсгертип, Туугъан жерибизни сюерге, къорууларгъа, айнытыргъа чакъыргъандыла. 

Мусукаланы Сакинат.

Поделиться:

ЧИТАТЬ ТАКЖЕ:

10.02.2025 - 09:27

«Ташны ичи озгъан кезиулени суратлагъан бир дунияды»

Жанхотия элде жашагъан Жабелланы Шамил  баш  излемине ташланы ич дунияларын таныуну санайды. Хар жангы ишинде ол бир умутун толтурады. Аны блады бизни бюгюннгю ушагъыбыз.

10.02.2025 - 09:23

Межгитге, эски журтлагъа да сакъдыла

Шимал Осетия-Аланияда жашагъанланы 80 проценти христиан динни тутадыла. Анга да къарамай, Владикавказда 1908 жылда азербайджанлы меценат Муртаз Мухтаров ишлетген межгит бюгюнлюкде да сюеледи.

10.02.2025 - 08:58

«Арада жарашдырылгъан керекле жамауатны айныууна къошумчулукъдула»

Химия илмуланы кандидаты, КъМКъУ-ну «Прогрессив материалла  эмда аддитив технологияла» арасыны полимерлени синтезлери бла байламлы бёлюмюню тамата илму къуллукъчусу Байкъазыланы Артур алимлик жолун

09.02.2025 - 09:03

«Билмеген затымы кесиме кечмейме»

Юйюрде бир адамыбыз ауруса, ол къалай къыйын кёрюннгенин сынамагъаныбыз хазна болмаз. Аллай кезиуледе себепликни уа, айхай да, врачладан сакълайбыз.

08.02.2025 - 09:03

Игилик ёлюмсюздю

Элбрус районну Къулийланы Къайсын атлы маданият юйюню арбазы мудахды.  Жамауат а келеди, алай аланы сезимлери да жарыкъ тюйюлдюле. Биз кесибиз да алайыракъбыз.