ТЕКIУЭНЫГЪЭ ИНЫМ ТЕУХУА КОНЦЕРТХЭР

ТекIуэныгъэ Иным и махуэшхуэр, къэралым и дэнэ щIыпIэми хуэдэу, Налшык къалэми Iэтауэ щагъэлъэпIащ. 
Фэеплъ пэкIу нэужьхэм къалэм и скверхэмрэ утхэмрэ уэрэджыIакIуэ, къэфакIуэ цIэрыIуэхэм махуэшхуэ концертхэр щатащ. «Восток» кинотеатрым и гупэм къит утым деж, хабзэ зэрыхъуауэ Ветеранхэм я «Эстафета» хорымрэ «Родник» къэзакъ хорымрэ я зауэ уэрэдхэр щагъэзэщIащ. 
Концертхэм унагъуэкIэрэ зэгъусэу кIуащ, фIыуэ ялъагъу уэрэдхэм едэIуэн папщIэ. Апхуэдэщ Хэку зауэшхуэ зэманым Ищхъэрэ флотым и унафэщIу щыта, Прохладнэ къалэм щыщ адмирал Головко Арсений и цIэр зезыхьэ скверым деж къыщызэрагъэпэща концертри. Абдеж зауэм теухуа усэхэми къыщеджащ. Ленинымрэ Тэрчокъуэмрэ я уэрам зэхэкIыпIэми сабийхэм зыкъыщагъэлъэгъуащ.
Къэрал киноконцерт гъэлъэгъуапIэм симфоние оркестрым и музыкантхэм гукъинэжу зыкъыщагъэлъэгъуащ. Зауэ уэрэдхэр, вальс, танго, нэгъуэщIхэри ягъэзэщIащ оркестрым и артистхэм. А псом я гуапэу едэIуащ нэхъыжьхэр.
КъБКъУ-м и библиотекэр хэтащ «Стена Памяти» урысейпсо Iуэхум. Абы хагъэхьащ Хэку зауэшхуэм и ветеран 33-м я сурэтхэр, зауэм и лIыхъужьхэм ятеухуа тхылъхэр. ЩIэблэр Хэку лъагъуныгъэм щIэпIыкIыным, тхыдэм хэгъэгъуэзэным мыхьэнэшхуэ ират библиотекэм и лэжьакIуэхэм. Абы и щыхьэтщ гъэ къэс «Нет в республике семьи такой, где не памятен свой герой» Iуэхур.
КъинэмыщIауэ, къалэм и курыт еджапIэхэм, музейхэм, библиотекэхэм лIыхъужьыгъэм и дерсхэр щатащ, хэку зауэшхуэм и ветеранхэр ягу къагъэкIыжу. 
 

 

ТЕКIУЖЬ Заретэ.

Поделиться:

ЧИТАТЬ ТАКЖЕ:

17.02.2025 - 15:59

Жылагъуэ советым и къалэныщIэхэр

КъБР-м и Парламентым и Жылагъуэ советым и япэ зэ­IущIэ екIуэкIащ.

17.02.2025 - 09:21

Я къэкIуэнур дахэ ирехъу

КIуэкIуэ Казбек «Урысейм и щIалэгъуа­лэ» зэгухьэныгъэм и унафэщI Гуров Григорий и гъусэу, Май районым щIалэгъуалэм папщIэ центр къы­щызэIуихащ мазаем и 13-м. 

17.02.2025 - 09:20

ЩIалэгъуалэр ягъэгушхуэ

Мазаем и 13-м Налшык къалэм къыщызэIуахащ Кавказ Ищхъэрэм щынэхъ ин дыдэ ЩIалэгъуалэ унэр.

17.02.2025 - 09:19

КIэрыхур ягъэмащIэ

Электрокъару

17.02.2025 - 09:18

Сом меларди 9-м щIигъу

ПэхуэщIэхэр