Кисловодскда каратени WKF тюрлюсюнден «Спорт клуб 5642» шахар жамауат организацияны башламчылыгъы бла ачыкъ эришиу бардырылгъанды. Анда аскер искусстволаны «Барс-Тырныауз» академиясыны келечилери, 18 майдал къытып, битеукоманда эсепде биринчи жерге чыкъгъандыла.

«Алтынланы» Апсуаланы Залим, Алим Абушов, Салим Салихов, Самийа Эминова, Айша Абушова, Шамиль Шалов алгъандыла. Малика Эминова, Османланы Диана, Байзуллаланы Мариям, Гамзат Гаджибеков, Жолаланы Аиша бла Ронель Копылов – экинчиле, Борчаланы Алан, Умар Эминов, Златослава Шпитальная, Амир Салихов, Салима Эминова ючюнчюле болгъандыла. 10-11-жыллыкълада эм иги каратечиге саналып, Салим Салиховха ахча да берилгенди. Спортчуланы тренерле Этезланы Владимир, Алим Эминов, Гияс Абушов, Арсен Губашиев, Виолетта Шпанагель, Ангелина Лазаренко юйретедиле.

Кульчаланы Зульфия.