Белгили жерлешибиз Цийкъанланы Мухадинни жашы Мухамед Къыргъызстанны Правительстувосуну экономика соруула жаны бла жамауат кенгешчисини къуллугъуна салыннганды.

 Цийкъанланы Мухамед экономика илмуланы докторуду, Экономиканы баш школуну профессоруду, РФ-ни 2-чи класслы къырал кенгешчисиди.  Озгъан ёмюрню 90-чы жылларында КъМР-ни экономика министри  болгъанды, ол республиканы тау-рекреация комплексни мурдорунда айнытыуну программасын жарашдыргъанды. 1997-2000 жыллада РФ-ни экономика министрини орунбасарыны къуллугъунда ишлегенди. Ызы бла 2004 жылгъа дери РФ-ни экономика айнытыу эм сатыу-алыу министрини орунбасарыны къуллугъунда ишлегенди, регионланы айнытыуну сорууларына жууаплы болгъанды.

Ол кёп къырал саугъала бла белгиленнгенди, ол санда «…къыралны социал эм экономика политикасын жашауда бардыргъаны ючюн…» РФ-ни Президентини Ыразылыгъына тийишли болгъанды.