Къыйын болумгъа тюшгеннге тюз болушлукъ эте билирге юйретир мурат бла Нальчикде чемпионат бардырылгъанды, аны «Биринчилени къымылдаулары», МЧС-ни эм «Россейли Къызыл Жорну» жер-жерли бёлюмлери, Къабарты-Малкъарны Катастрофала медицинасы къурагъандыла.

Юйрениулеге 100 аслам сабий къатышхандыла, ала энчи манекенледе, адамлада да медицина болушлукъ жетгинчиге дери жюрек-ёпке реанимация этгендиле, къанны къалай тохтатыргъа боллугъун кёргюзтгендиле. МЧС-ни регион бёлюмюню психологу Лев Залесский а волонтёрлагъа къыйын болумгъа тюшгенлеге эм аланы жууукъларына психология жаны бла болушууну, ахлулары авариялада ёлген адамла кеслерин къалай жюрютгенлерини, алагъа кёл этдириуню юсюнден айтханды эм апчыгъан инсан кесин къалай жюрютюрге боллугъун юлгюледе ангылатханды. Ызы бла жаш адамлагъа къутхарыу техника кёргюзтюлгенди.

МЧС-де белгилегенлерича, быллай юйрениулени борчлары адамланы къыйын болумгъа тюшгенде кеслерине, башхалагъа да къоркъуу келтирмезча жюрютюрге юйретиудю. Аланы кезиулеринде алгъан билимлери сабийле артда жашауларында да жарарыкъ билимни аладыла.

Кульчаланы Зульфия.