Бу кюнледе РФ-ни Миллет гвардиясыны  Шимал-Кавказ округуну таматасыны аскер-политика иш жаны бла орунбасары генерал-майор Сергей Черноиванов  Къабарты-Малкъарда болгъанды. Мында ол Росгвардияны КъМР-де Управлениясыны таматалары бла тюбешгенди эмда аскерчиле къуллукъ этген жерледе болуп, аланы турмушлары бла шагъырейленнгенди. 
Ызы бла генерал-майор аскерчилени салыннган борчланы толтурургъа хазырлыкъларын тинтгенди эм энчи къауум бла ушакъ бардыргъанды, берилген сорууланы барына да жууапла этгенди.
– Управленияны къуллукъчулары бла аскерчилери алагъа салыннган борчланы толтурургъа къачан да хазыр болгъанларына ийнанама, – деп чертгенди ол.

 Къасымланы Аминат.