«Къэббалъкъгипс»-р къызэIуахыж

«Эко-Золопродукт» IуэхущIапIэм и унафэщI нэхъыщхьэ Исмайылов Фархад КъБР-м и Iэтащхьэ КIуэкIуэ Казбек лэ­жьыгъэ IуэхукIэ хуэзащ. А компанием и ­мылъку хилъхьэнущ «Къэббалъкъгипс» заводым и лэжьыгъэр зэтеублэжыным. Абы теухуа зэпсэлъэныгъэхэр нэгъабэ ­лъандэрэ ирагъэкIуэкIащ.

«Заводым мыхьэнэшхуэ иIэщ ди щIы­налъэм и экономикэми къэралым и ухуэ­ныгъэ IэнатIэми зиужьынымкIи. Абы и лэ­жьыгъэр зэтеублэжыным республикэм и ­бюджетым хэхъуэ къызэрыхуихьынум къи­щынэмыщIауэ, IэнатIэкIэ цIыхухэр къызэгъэпэщынымкIи щхьэпагъышхуэ иIэнущ, - къыхигъэщащ КIуэкIуэ Казбек.
НэхъапэкIэ КIуэкIуэ Казбек жиIауэ щытащ щхьэусыгъуэ зэхуэмыдэхэм къыхэкIыу зи лэжьыгъэр къызэтеувыIауэ пIалъэ кIыхькIэ щыта IуэхущIапIэхэр къызэIухыжынымкIэ республикэм Iуэхугъуэ пыухыкIахэр зэры­щрагъэкIуэкIыр. Апхуэдэу, псалъэм папщIэ, ирагъэжьэжащ Налшык дэт макарон щащI фабрикэр, Шэджэм щыIэ абдж къыщыщIагъэкI заводыр.
ЗэIущIэм щытепсэлъыхьащ зэман гъунэгъум къриубыдэу заводым зэрызиужьы­нум. Фигу къэдгъэкIыжынщи, предприятэм иIэжщ езым и гипс къыщIэхыпIэ. Исмайылов Фархад зэрыжиIамкIэ, заводым и оборудованэхэр къэгъэщIэрэщIэжын хуейщ, ап­хуэдэуи къыщIэхыпIэр зыхуей хуэгъэзэжауэ абы и ухуэныгъэ хъугъуэфIыгъуэхэм зэре­лэ­жьыну щIыкIэхэри зэтеублэжыпхъэщ. Инвесторым къызэригъэлъэгъуамкIэ, илъэсым ­къриубыдэу лэжьыгъэ IэнатIэу 200 къызэрагъэпэщынущ, адэкIэ абы хэхъуэурэ кIуэнущ.

Поделиться:

ЧИТАТЬ ТАКЖЕ:

29.03.2024 - 17:28

ХАМЭ КЪЭРАЛХЭМ ЗЭРАДЭЛАЖЬЭМ ФЕЙДЭ КЪЫПОКIУЭ

Хамэ къэралхэм ящыщу Къэбэрдей-Балъкъэрым сату нэхъыбэу зыдищIыр СНГ-м хэтхэращ икIи иужьрей илъэситIым къриубыдэу республикэм зэригъэкIуэкIа продукцэм и куэдагъым процент 25-кIэ хигъэхъуащ, жиIащ

29.03.2024 - 17:23

ЗЫУЖЬЫНЫГЪЭМ И ЛЪАГЪУЭМ ИРОКIУЭ

КъБР-м и Iэтащхьэ КIуэкIуэ Казбек Ставрополь крайм и губернатор Владимиров Владимиррэ Къэрэшей-Шэрджэс Республикэм и УнафэщI Темрезов Рашидрэ щIыгъуу хэтащ Тырныауз къалэм дэт, сыт и лъэныкъуэкIи з

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.