«Россети Северный Кавказ» – «Каббалкэнерго» биригиуню специалистлери  республиканы электросетьлерине тынгылы ремонт этиу программагъа кёре,  ол санда кюз эм къыш кезиуге хазырланыуну профилактиканы чеклеринде, быйыл 35 кВ кюч ток берген  «Терекская» подстанциягъа тынгылы ремонт этерикдиле. Сагъынылгъан ишлени тамамларгъа тёрт миллион сом бёлюнюрюкдю.

Проектни хайыры бла Терк районда жети мингден аслам адамны, ол санда  социал магъаналы отуздан артыкъ объектни - мектеплени, сабий садланы, амбулаторияны, Маданият юйню ток бла сылтаусуз жалчытырча боллукъду. 

Ишлени кезиуюнде эски  обрудованияланы жангыларына, сынамлыларына эм уллу кюч бла ишлегенлерине алышырыкъдыла.  Аны чеклеринде замыкание болса кеси аллына ёчюлюрча, от тюшюуден сакъланырча эм экологиягъа да заран жетмезча мадар этилликди. Подстанция жангыртылгъандан сора, сынаула бардырып кёрлюкдюле эм тёгерек-башны юлкюледен эм башха затладан да тазаларыкъдыла.  

Эсге сала айтсакъ, "Россети Северный Кавказ" биригиу 0,4 кВ - 110 кВ кюч бла саулай Шимал Кавказ федерал округну жалчытады эм ток ызлагъа къошарча жумушну тамамлайды.