ХУРМЕТЛЕП САУГЪАЛАГЪАНДЫЛА

Черек районну полициячылары къуллукъларын толтура ёлген тенглерини аналарын эм юйдегилерин Тиширыуланы халкъла аралы кюню бла алгъышлагъандыла.

Бу иш «Хар юйге – 8 март» деген Битеуроссей акцияны чеклеринде бардырылгъанды.

МВД-ны Черек районда бёлюмюню башчыларыны эм кесини энчи къауумуну атындан ала тиширыуланы 8 мартны байрамы бла алгъышлап, не бла болушлукъ этерге боллукъларын да соргъандыла. Тенглерини аналарына бла юйдегилерине полициячыла саулукъ, мамырлы жашау тежегендиле эм келтирген саугъаларын бергендиле.

- Биз хар заманда да ёлген нёгерлерибизни эсибизде тутарыкъбыз, аланы атлары не заманда да ал сатырдадыла, - деп чертгендиле полициячыла.  

Тиширыула уа къонакълагъа аланы не заманда да унутмай тургъанлары эм не жаны бла да себеплик этгенлери ючюн жюрек ыразылыкъларын билдиргендиле, - деп билдиредиле МВД-ны КъМР-де пресс-службасындан.

Холамханланы Алима.

Поделиться:

ЧИТАТЬ ТАКЖЕ:

29.03.2024 - 17:29

САКЪАТЛЫКЪЛАРЫ БОЛГЪАНЛАГЪА БОЛУШУРЧА

Къабарты-Малкъарны Жамауат палатасында «тёгерек столда» психикаларында энчиликлери болгъан адамланы реабилитацияларын бардырыуда саулукъ сакълау, социал къорууланыу учрежденияланы эм коммерциялы бо

29.03.2024 - 09:05

БАХЧАЛАНЫ БУЗДАН КЪОРУУЛАРГЪА – 40 МИЛЛИОН СОМ

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 40 миллион сом бёлюнюрюкдю.

29.03.2024 - 09:04

КАРТОФДАН БАЙ ТИРЛИК КЪУУАНДЫРАДЫ

Шимал-Кавказстатны управлениясындан  билдиргенлерича, былтыр Къабарты-Малкъарны  мюлклерини барысында да картофдан  154,6 минг тонна  жыйылгъанды.  Ол былтырдан 1,8 процентге кёпдю.

29.03.2024 - 09:04

ТАНГ КЕСЕК КОНСЕРВА ЧЫГЪАРЫЛАДЫ

Къабарты-Малкъар тахта кёгетледен консервала жарашдырыу бла эки жылны ичинде алчы жерни алады. Ол санда былтыр, 363,8 миллион банка чыгъарылгъанды.

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.