Парламентым ирагъэблэгъат бэнакIуэ цIэрыIуэхэр

Республикэм законхэр къыдэзыгъэкI и орган нэхъыщхьэм и унэм иджыблагъэ щыхьэщIащ алыдж-урым бэнэкIэмкIэ Олимп джэгухэм тIэунейрэ щытекIуа, щэнейрэ дунейпсо чемпион, Европэм плIэнейрэ и чемпион Власов Романрэ 2008 гъэм Олимп джэгум щытекIуа, 2007, 2010 гъэхэм екIуэкIа дунейпсо чемпионатхэм домбеякъ медалыр ­къы­щызыхьа Манкиев На­зиррэ. КъБР-м и Парламентым и ­Президиумым хэт-         хэмрэ хьэ­щIэ­хэмрэ  зэхуаIуэтащ алыдж-урым бэнэкIэм  зе­гъэу­­жьы­нымкIэ Къэ­бэр­дей-Балъкъэ­рым щыIэ хэ­кIы­пIэхэр зы­­­хуэдэр, ди республикэм и спортсменхэм къагъэ­лъагъуэ зэфIэкIхэр, дунейпсо зэхьэзэхуэхэм урысей спорт­сменхэр къызэрыхагъэ­кIам зэреплъыр. 

Республикэм и Парламентым и УнафэщI Егоровэ Татьянэ хьэщIэхэм фIэхъус псалъэхэмкIэ захуигъэзащ икIи ди щIалэгъуалэм я гъащIэм спортым мыхьэнэшхуэ зэрыщиIэр къыхигъэщхьэхукIащ:
- Спортым щIэблэр зэщIэ­къуауэ щытыным, текIуэныгъэхэм яхущIэкъуным, къэралым, республикэм, езыхэм я Iыхьлыхэмрэ благъэхэмрэ       жэуаплыныгъэ яхэлъу ябгъэ­дэтыным хуегъасэ. Абы къы­хэкIыу иджы дунейпсо спор-тым щекIуэкIхэм узыщыгуфIы­кIын хэлъкъым, сыту жыпIэмэ, спортыр зэи политикэм пы­щIауэ щытын хуейкъым, - жиIащ Егоровэм. 
КъБР-м и Парламентым и УнафэщIым и къуэдзэ Къардэн Мурат къызэхуэсахэр щыгъуазэ ищIащ Власов Роман мэ­лы­жьыхьым Къыргъызста­ным щыщ спортсмен цIэрыIуэ Мах­мудов Акжоу ебэнын зэры­хуейм икIи абы зыхуигъэ­хьэ­зырын папщIэ спортсменым Къэбэрдей-Балъкъэрыр къы­зэ­рыхихам.
Власов Роман жиIащ ди щIыналъэм япэхэми къызэры­кIуар икIи мыхьэнэшхуэ зиIэ зэIущIэм зыхуигъэхьэзырын пап­щIэ КъБР-р къыщIыхихам и щхьэусыгъуэ нэхъыщхьэр ди деж зэрыщыIаращ. Абы къыхигъэщхьэхукIащ республикэм исхэм спортыр, хэ­хауэ къапщ­тэмэ, алыдж-урым бэнэкIэр фIыуэ зэралъагъур. Щы­хьэту урикъунщ щIыналъэм бэнакIуэ ныб­­жьыщIэхэри цIэрыIуэ хъуа спортсменхэри зэрыщыкуэ-дыр. 
Манкиев Назир республикэм и цIыхухэм хьэщIагъэшхуэ ­зэ­­­рахэлъыр къыхигъэщхьэхукIащ.
Егоровэ Татьянэ спортым зегъэужьынымкIэ Власов Роман куэд зэрызэфIигъэкIам икIи алыдж-урым бэнэкIэм Къэбэрдей-Балъкъэрым и щIалэгъуа­лэр дегъэхьэхынымкIэ иIэ  фIы­щIэм папщIэ КъБР-м и Парламентым и ЩIыхь тхы­лъыр иритащ.
ЗэIущIэм и кIэу­хым спи­ке­рым хьэщIэхэм тыгъэ яхуи­щIащ республикэм ­теухуа тхылъ щIэращIэхэр. ИужькIэ  псоми зэщIыгъуу сурэт зытрагъэхащ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)