«Спорт наркотиклеге къажауду» деген чакъырыу бла «Нальчик» спорт арада мас-рестлингден республиканы тогъузунчу чемпионаты бла биринчилиги бардырылгъанды. Ол Россейни Сауутланнган кючлерини Украинада энчи операциягъа къатышхан аскерчилерине себеплик этиуню чегинде къуралгъанды. 

Эришиуге Къабарты-Малкъарны жер-жерлеринден 200-ге жууукъ гёжеф келгендиле. Эсеплеге кёре, хар жыл сан къауумда республиканы жыйымдыкъ командалары къуралгъандыла, хорлагъанла Россейни чемпионатында бла биринчилигинде сынашырыкъдыла. Эсигизге салайыкъ, спортну бу тюрлюсюнден къыралны 2017, 2018 эм 2020 жыллада чемпионатлары бизни республикада ётдюрюлгендиле.

Кульчаланы Зульфия.