«Россети Северный Кавказ» биригиу быйыл  Къабарты-Малкъарда  141 километр чакълы бирде ток ызланы (ЛЭП) жангыртырыкъды. Алай бла къышны ахырына  32 километр уллу вольтлу  эм 109 километрде  0,4-10 кВ кюч берген ызла тартыллыкъдыла.  

Комплексли ишле  «Каббалкэнерго» биригиуню  программасына кёре барадыла. Специалистле 83 километрде эски ызланы алышырыкъдыла, ол санда 884 чыпынны эм 2402 изаляторну. Кезиулю ишлени чеклеринде да   21 гектарда ток ызлагъа терекле заран салмазча, бутакъларын, чырпыларын кесерикдиле.                                                                                                                                                                                                                                                                                                                                                                                                                                                                                                                                                                                                                                                                                                                               Андан сора да, быйыл энергетикле «Нарткъала» бла  «Терекская» подстанциялада   ремонт ишле бардырлыкъдыла. Аны  чеклеринде онбир магъаналы устройствону алышырыкъдыла.  Дагъыда  6-10/0,4 кВ  кюч бла ишлеген 182 трансформаторну эм жау къуюлгъан 72 выключательни алышырыкъдыла.

 - Ремонт ишлени кезиуюнде энергокюч комплекс къыш сууукълада тийишли халда ишлерча мадар этилгенди. Ол санда быйыл  ток бла жалчытхан мюлкню  объектлеринде  тийишли жумушланы тамамларгъа «Россети Северный Кавказ» 281 миллион сом бёллюкдю.  Былтыр  бла тенглешдиргенде, ол эки процентге кёпдю,- дейди «Каббалкэнерго»   биригиуню баш инженери  Алибек Яганов.

Саулай алып айтханда, «Россети Северный Кавказ» былтыр  Шимал-Кавказ федерал округда  5,6 минг километр чакълы бирде ток чыбыкъны (ЛЭП) алышханды.  Ол санда Къабарты-Малкъарда 121 километр чакълы бирде. Жыл сайын энергокюч комплексни игилендирирча  тийишли ишлеге къошула барады эм танг кесек ахча да бёлюнеди. 

Бизни корр.