ХЬЭПШЫПХЭМ «ПСЭЩIЭ» ЩЫХАЛЪХЬЭЖЫНУЩ

10 февраля, 2023 - 06:25

Ленинград щIыналъэм мыгувэу къыщызэIуахынущ хьэпшыпхэр къыщагъэщIэрэщIэж дунейпсо IуэхущIапIэ. Апхуэдэ Урысейм иджыри къэс зэи иIакъым.
УФ-м и Правительствэм и УнафэщIым и къуэдзэ Голиковэ Татьянэ, УФ-м ЩэнхабзэмкIэ и министр Любимовэ Ольгэ, Ленинград щIыналъэм и губернатор Дрозденкэ Александр сымэ зыщагъэгъуэзащ IуэхущIапIэр къызэIуахыным и Iуэхур здынэсам.
Ухуэныгъэр илъэси 7-м нэблэгъауэ йокIуэкI, метр зэбгъузэнатIэу мини 10 къызэщIеубыдэ. IуэхущIапIэм къыщызэIуахынущ лъэщапIэрэ лабораториеу 15 - хъумапIэ, музей лэжьакIуэхэм я Iэзагъэм щыхагъахъуэ центр, гъэлъэгъуэныгъэхэр щрагъэкIуэкIыну пэш щхьэхуэхэр. Ар хьэпшыпхэр къызэрагъэщIэрэщIэжыну Iэмал псомкIи къызэгъэпэщауэ щытынущ. 
IуэхущIапIэм IэщIагъэлIу 160-м лэжьыгъэ IэнатIэ яритыфынущ. Абыхэм хеубыдэ ятIагъуэ гъэжьам, фарфорым, гъущIхэкIхэм, щэкIым къыхэщIыкIа хьэпшыпхэмрэ сурэтхэмрэ елэжьхэр, методистхэр, сурэтыщIхэр, нэгъуэщIхэри.
IуэхущIапIэм и фIыгъэкIэ нэхъ купщIафIэу зэдэлэжьэнущ икIи зэпыщIа хъунущ музей IэщIагъэлIхэмрэ хьэпшыпхэр къэзыгъэщIэрэщIэжхэмрэ. 
- Къапщтэмэ, Ленинград щIыналъэм, Ищхъэрэ-КъухьэпIэ федеральнэ округым хиубыдэхэм я мызакъуэу, мы Iуэхугъуэм мыхьэнэшхуэ иIэщ Урысей псом дежкIи. Мы IуэхущIапIэм хуэдэ щыIэкъым, ди къэралым япэу къыщызэIутхыну аращ, - къыхигъэщащ Голиковэ Татьянэ.
 
 
 
 
БАГЪЭТЫР Луизэ.

  • 4 просмотра

Поделиться:

ЧИТАТЬ ТАКЖЕ:

19.04.2024 - 09:01

ДИ ЩIЫНАЛЪЭМ И ЩIЫПIЭ ДАХЭХЭР

Тамбукъан гуэл шыугъэм илъэс 700 тхыдэ къызэринэкIащ. Абы ит псыр ижыркъым, мыл ткIужхэмрэ уэшххэмкIэ ирикъуу аращ. Абыхэм къадэкIуэу ябрууауэ щыта жапIэхэмкIэ абы хохъуэ минеральнэ псы.
19.04.2024 - 09:01

ХЬЭЩIЭЩХЭМРЭ ХЬЭЩIЭХЭМРЭ

2024 гъэм и япэ мазищым къызэрагъэлъагъуамкIэ, хьэщIэщым къыщыувыIэну махуэу зыщрагъэтхамрэ абы щыщIэтIысхьа махуэмрэ я зэхуакум дэлъ пIалъэм и кIыхьагъымкIэ Къэбэрдей-Балъкъэрым къэралым и щIыналъ
18.04.2024 - 12:25

ЖЫДЖЭРУ ЗЫЗЫУЖЬ IЭНАТIЭ

2024 гъэм и япэ мазищым къриубыдэу Къэбэрдей-Балъкъэрым зыщызыплъыхьыну къэкIуа туристхэм я бжыгъэр мин 398-рэ хъуащ икIи ар процент 24,8-кIэ нэхъыбэщ къапщытэж лъэхъэнэм ирихьэлIэу нэгъабэ щыIа бж
18.04.2024 - 10:01

УРЫСЕЙМРЭ ИСЛЪАМ ДУНЕЙМРЭ

УФ-м и Правительствэм и УнафэщIым и къуэдзэ Хуснуллин Марат иджыблагъэ иригъэкIуэкIащ «Урысеймрэ ислъам дунеймрэ: KazanForum» дунейпсо экономикэ зэхуэсым и къызэгъэпэщакIуэ комитетым и зэIущIэр.
18.04.2024 - 09:03

КЪАПЭЛЪЭЩЫН КЪАХЭКIАКЪЫМ

Урысейм иджырей пятиборьемкIэ пашэныгъэр къыщыхьыным хуэунэтIа зэхьэзэхуэ иджыблагъэ Киров къалэм щекIуэкIащ.