|
|
ОПЕРАЦЭ ТЕЛЪЫДЖЭ
10 февраля, 2023 - 06:25
Лышх узыфэхэм щеIэзэ, щадж, Ростов къалэм дэт IуэхущIапIэм иджыблагъэ щрагъэкIуэкIащ операцэ телъыджэ. Абы и дохутырхэм кърагъэлащ си бгъэгумрэ пщэмрэ опухоль абрагъуэм иубыда сымаджэр.
Сымаджэм и щитовиднэ железам хищIа шыкъырыр апхуэдизкIэ ин хъури лъэхъыцхэр иутIыпщати, и пщэми, бгъэгуми, джийми, лъыптхуэхэми зыхиубгъуат, и тэмакъыр, миллиметри 9 фIэкI къэмынэу, зэхуищIат. ЗэрыгурыIуэгъуэщи, ар зи инагъ опухолыр гъэкIуэдын папщIэ, операцэ щIауэ къыхэхын хуейт. НэхъапэIуэкIэ апхуэдэ операцэр ящIын папщIэ, и бгъэр зэIуахынут. КъищынэмыщIауэ, и тэмакъыр зэрызэхуэщIам къыхэкIыу, тхьэмбылхэр яхуэгъэбэуэнутэкъым. Абы къыхэкIыу, зы уIэгъэ цIыкIу закъуэм иIэбэу, иужьрей IэмэпсымэхэмкIэ операцэр ирагъэкIуэкIыну траухуат дохутырхэм. Торакальнэ къудамэм и дохутырхэмрэ щхьэм, пщэм щеIэзэ отделениемэ щылажьэхэмрэ зэуIуу ирагъэкIуэкIа операцэр гъуэзэджэу зэфIэкIащ. Япэ щIыкIэ, тарокальнэ дохутырхэм бгъэгум зизубгъуа опухолыр кърагъэутIыпщащ. КъыкIэлъыкIуэ дохутыр гупым сымаджэм и пщэм хуэзэу уIэгъэ цIыкIу хуащIщ, щитовиднэ железам телъыр къытрагъэжри, псори зэщIыгъуу абыкIэ кърахыжащ.
- Опухолым сантиметр I5 и кIыхьагът. Къэдгъэсэбэпа Iэмэпсымэхэмрэ, операцэр зэредгъэкIуэкIа Iэмалхэмрэ я фIыгъэкIэ сымаджэм и бгъэгур зэгуэтхакъым, уIэгъэшхуи телъкъым. Абы къыхэкIыу, сымаджэм нэхъ псынщIэу зиужьыжынущ, - къыхигъэщащ щхьэмрэ пщэмрэ щеIэзэ къудамэм и унафэщI Енгибарян Марина.
Гистологием къызэригъэлъэгъуамкIэ, опухолыр шынагъуэтэкъым, Iей хъужатэкъым.
Фырэ Анфисэ.
 |
|
29.04.2025 - 12:25 «Спортыр террорым и бийщ» къыхуеджэныгъэм щIэту Налшык къалэм и «Налшык» спорт комплексым щекIуэкIащ кикбоксингымкIэ республикэ зэхьэзэхуэхэм я кIэух Iыхьэр. |
 |
|
29.04.2025 - 09:03 Бахъсэн къалэм и администрацэм и унафэщI Мамхэгъ Хьэчим иджыблагъэ дыщигъэгъуэзащ иужьрей зэманым бахъсэндэсхэм спортымкIэ яIа ехъулIэныгъэхэм икIи абыхэм уариплъэу щытмэ, узыщыгуфIыкIыныр мащIэкъэ |
 |
|
29.04.2025 - 09:03 Астрономхэр щыхьэт зэрытехъуэмкIэ, щыблэм и теплъэ зэхуэмыдэхэм, ди планетэм и мызакъуэу, Дыгъэм къедза адрей уафэщIхэми, псалъэм папщIэ, Ураным, Венерэм, Сатурным, Юпитерым, нэгъуэщIхэми уащрихьэл |
 |
|
29.04.2025 - 09:03 Налшык дэт Гимназие №I-м щекIуэкIащ илъэс къэс зэхаублэ «Рыцари закона» республикэ зэпеуэм и къалэ Iыхьэр. |
 |
|
28.04.2025 - 09:19 Аруан щIыналъэм хыхьэ Псынабэ къуажэм дэт курыт еджапIэм иджыблагъэ къыщызэIуахащ къуажэдэс нэхъыжьыфI Къэгъэзэж Щамхьир и гъащIэмрэ и лэжьыгъэмрэ теухуа плIанэпэ. |
|
