Урысей гвардием и управленэу КъБР-м щыIэм   ведомствэм щIэмыт и хъумакIуэ IэнатIэм  и лэжьакIуэхэр хэтащ «Дарите книги с любовью» фIэщыгъэм щIэту  Налшык къалэм и ХьэтIохъущыкъуей    паркым ит жылагъуэ библиотекэ зэIухам деж щекIукIа  Iуэхум.    

Росгвардейцхэм  библиотекэм и фондым халъхьащ хамэ къэрал, хэку литературэм и классикэ тхылъхэр.     «Урысейпсо цIыхубз зэгухьэныгъэ» - «Урысейм и гугъапIэ»  урысейпсо жылагъуэ организацэм и щIыналъэ   къудамэм и унафэщI    Черновэ Аленэ  апхуэдэ  гулъытэм папщIэ  Росгвардием и лэжьакIуэхэм фIыщIэ яхуищIащ. 

«Мыпхуэдэ Iуэхухэр ди республикэм щыпсэухэмрэ и хьэщIэхэмрэ я щэнхабзэмрэ щIэныгъэмрэ хэзыгъахъэущ.  Сыщогугъ мы тхылъхэм    я щIэджыкIакIуэ яIэну.  Мыр IуэхуфIщ, щхьэпэщ  икIи адэкIи зиужьыну  сыпоплъэ»,- жиIащ Iуэхум  хэта полицэм и лейтенант Щоджэн Мурат.  

БАХЪСЭН Ланэ.