Налог органда эсепде тургъанына шагъатлыкъ этген документни (ИНН) адам ФНС-ны сайтында «Энчи кабинетге» кирип алыргъа боллукъду. Ведомствону бёлюмлерине барып турур кереклиси жокъду энди. Бу электрон свидетельствону къагъыт документнича аллай кючю барды.

Аны алырча ол сайтда «Жашау халла» бёлюмге кирирге керекди. Ызы бла эсепге турургъа сюйгенигизни юсюнден заявление жазып билдирирге тийишлиди. Алай этгенден сора, «Профиль» бёлюмде PDF форматда хазыр файл чыгъарыкъды – свидетельство ма ол боллукъду.

Бу айны биринчисинден башлап, бу жумушну Госуслуги порталда этерге амал барды. Анга электрон халда къол салыргъа керекди. Аны уа «Госключ» деген мобильные приложение береди.

Ма алай энди ИНН-ни электрон тюрлюсюн женгил жарашдырыргъа амал барды. Алгъынча аны къагъытда тюрлюсюн алыргъа керекмейди.

Улбашланы Мурат хазырлагъанды.