Росреестрни башчысы Олег Скуфинский Россей Федерацияны субъектлеринде къырал кадастр тергеулени этгенде бирикген программаны хайырланыуну юсюнден видеоконференция бардыргъанды. Бизни республикадан анга КъМР-ни Правительствосуну Председателини биринчи орунбасары Муаед Кунижев бла экономиканы айнытыу министр Рахайланы Борис къатышхандыла.

Видеоконференцияда ол программаны жер-жерледе хайырланыуну юсюнден сёлешгендиле, регионланы бу жаны бла оюмларын да сюзгендиле. Къырал регистрация, кадастр эм картография жаны бла Федерал службаны тергеулерине кёре, бу платформаны хайырындан халатла иги да аз боллукъдула. Информацияны бири бирине келишмеген кесеклеринден да къутулур амал чыгъарыкъды. Ведомствону башчысыны оюмуна кёре система 2025 жылда ишлеп башларгъа керекди.

Улбашланы Мурат.