Кёп болмай  Къабарты-Малкъарны Регионнга оноу этиу жаны бла арасы (ЦУР)  рейтингни эсеплерине кёре  алчыланы санына чыкъгъанды.  Жыл башланнганлы аны специалистлери он мингден аслам  соруугъа  къарагъандыла. Аланы кёбюсю социал сетьледе кётюрюлген “Инцидент Менеджмент” системаны амалы бла жарашдырылгъан проблемаладыла. 

Сагъынылгъан сорууланы асламысы хара замандача, социал къоруулау, жашау журт-коммунал мюлк, тийрени игилендириу, жолланы тапландырыу, саулукъ сакълау бла байламлыдыла. Аланы хар бирине  специалистле тынгылы къарап, профильлерине кёре  тийишли ведомстволагъа билдиредиле.

Алгъа заманда жууап берилирча бир сагъат сакъларгъа тюшгени кёплеге тап болгъанды.  Энди уа ол  онбеш минутдан кёпге созулмагъаны ишни бютюн жетишимли бардырыргъа себеплик этерикди.

Эсге сала айтсакъ, быйыл арагъа эки жыл боллукъду, ол кезиуню ичинде аны хайыры бла социал магъаналы   танг кесек проблема тамамланнганды.

Бизни корр.