НАРКОТИКЛЕГЕ УГЪАЙ ДЕР ЮЧЮН

25 октября, 2022 - 06:29

Наркотиклеге къажау «Сабийлерибизге саулукъ эм къоркъуусузлукъ» деген акция Къабарты-Малкъарны алты маданият юйюнде ётгенди.

КъМР-де МВД-да къуллукъ этгенлени бир къаууму бла бирге тамата классланы окъуучулары бла ушакъ этерге республиканы Саулукъ сакълау министерствосундан психиатр-нарколог эм инфекционист врачла да келгендиле. Къонакъла сабийлени жашауну аман жолуна ажашмай, спорт бла кюреширге, маданиятха табыныргъа чакъыргъандыла. Полициячыла аманлыкъчылыкъ ючюн законодательствогъа кёре къаллай жууапха тартылыргъа боллугъун билдиргендиле.

Кесини насийхат сёзлерин Нальчикни администрациясыны Билим бериу департаментини специалисти Теммоланы Фаризат да айтханды.  Саулукъ сакълау министерствону келечилери уа наркотикле къаллай хатагъа келтирликлерин ангылатхандыла, деп билдиредиле КъМР-де МВД-ны пресс-службасындан.

 

Баллиланы Алина.

  • 8 просмотров

Поделиться:

ЧИТАТЬ ТАКЖЕ:

15.12.2025 - 14:07

«Намыс» ышаныулукъ береди

Акъылбалыкъ болмагъанлагъа деп ишлеген Республикалы социал-реабилитация ара  «Намысда» болум энчиди – мында багъыу иш дарманла, уколла бла угъай, ангылаулукъ, себеплик этиу эмда хар сабийге ийнаныу
15.12.2025 - 14:04

Эм кючлюлени санында

Отуз  россейли шахарда бла талай тыш къыралда «Ата журтну Жигитлери» деген ат бла спортну 15 тюрлюсюнден халкъла аралы эришиуле къуралгъандыла. Къабарты-Малкъарда уа каратечиле жыйылгъандыла.
15.12.2025 - 09:18

Сабийлеге бла абаданлагъа – энчи онгла

Къабарты-Малкъарны Жамауат палатасыны советини жыйылыуунда республикабызда «Демография» миллет проект къалай  толтурулгъанына эмда  кёп сабийли юйюрлеге болушлукъ къалай этилгенине къарагъандыла.
15.12.2025 - 09:17

Аскерчилени къайгъысын кёрюп

Республиканы билим берген учрежденияларында  окъугъанла эмда ишлегенле  энчи аскер операциягъа къатыша тургъан аскерчилеге деп  жандауурлукъ этиулерин бир кюнде да къоймайдыла.
15.12.2025 - 09:17

Жолла жарыкъ болурча

Быйыл Къабарты-Малкъарда 85 километр чакълы бирде  кече жолланы жарытырча чыракълы чыпынла салгъандыла.