Республиканы Спорт министерствосу билдиргенине кёре, бу кюнледе Кисловодск шахарда кикбоксингден Ставрополь крайны ачыкъ кубогу бла « Ставропольени ышаныулары» деген турнир бардырылгъанды. Ол «лоу-кик» эм «лайт-контакт» бёлюмледе ётгенди. Ары алты жылдан башлап онсегиз жылгъа дери Подмосковьеден эм Россейни къыбыла регионларындан 300-ден артыкъ гёжеф къатышханды.

Къабарты Малкъарны жыйымдыкъ къаууму да бу эришиуледе отуз алты майдалгъа тийишли болгъанды. Аладан онтогъуз- алтын, сегиз - кюмюш, тогъуз доммакъ майдалла болгъандыла. Битеу команда зачётда КъМР-ни къаууму экинчи жерни алгъанды.

Гёжефле Къудайланы Алимде, Кучменланы Рустамда, Анзор Сасиковда, Арсен Шешевде эм Мурат Шериевде жарау этедиле.

КъМР-ни кикбоксинг Федерациясыны таматасы Къудайланы Алим «Эришиулени эм иги тренери» деген даражалы призге тийишли болгъанды.

Додуланы Мадина.