«Россети Шимал Кавказ» Къабарты-Малкъарны Кардиология арасын къошакъ халда 234 киловатт электрокюч бла жалчытып башлагъанды. Быллай бир ток анда орнатылгъан эки жангы аппаратны ишлетирге изленеди: ангиографны эмда томографны.

Багъыу учрежденияда жыл сайын 7,5 минг адамгъа къарайдыла. Аны стационарында беш мингден артыкъ саусузну аякъ юсюне саладыла. Ала жаланда бизни республикадан угъай, саулай Шимал Кавказдан да келедиле ары. Араны кардиологлары, бийик медицина технологияланы хайырланып, къыйын аурууладан жетишимли багъадыла.

Саулукъ сакълау учрежденияланы электрокюч бла жалчытыугъа «Россети Шимал Кавказ» компаниядан эм бийик магъана бергенлерин чертгендиле. Быллай иш чыкъса, ала ызланы къошардан алгъа бютюнда ышаннгылы амал табаргъа кюрешедиле.

Улбашланы Мурат хазырлагъанды.