Республиканы Спорт министерствосундан билдиргенлерича, Чеченни ара шахары Грозныйде Олимпиадагъа хазырланыуну Владимир Путин атлы арасында дзюдодан Россейни клуб чемпионаты бардырылгъанды. Анда тёрели саугъала эм 20 миллион сом саугъа фонд ючюн 13 эр киши бла 5 тиширыу команда эришгендиле.  Анда  Нальчикни «Локомотив» клубуну спортчулары къыйын сермешледе ючюнчю жерге чыкъгъандыла. Аланы тренерле Залим Гаданов бла Руслан Ким хазырлагъандыла.
Россейни сыйлы тренери Залим Гаданов: «Быйыл  командабызгъа, сынамлы дзюдочуладан сора да, магъаналы къырал эм халкъла аралы эришиуледе усталыкъларын ёсдюрюрча жаш спортчуланы да къошханбыз. Алай бла биринчи быллай уллу эришиуюбюз жетишимли башланнганды»,- дегенди.

Биринчи жерге - Чеченни «Ахмат» командасы, экинчиге уа Санкт-Петербургну  «Явара-Нева» къаууму чыкъгъандыла.

Эришиуле Президентни 70-жыллыгъына аталгъандыла.

Кульчаланы Зульфия.