КъМР-ни Экономиканы айнытыу министри Рахайланы Борис Миллет банкны Къабарты-Малкъарда бёлюмюню башчысыны къуллугъун толтургъан Аслан Калов бла тюбешгенди. Ала арада байламлыкъда къаллай ишлени тамамлагъанларыны юсюнден хапарлагъандыла.

Республиканы Правительствосу бу Банк бла бирге регионда жашагъанланы финансла жаны бла билимлерин кючлендириу программаны жетишимли бардырадыла. Андан сора да, инфляцияны ёсюуюне келтирген шартланы бирлешип ачыкълайдыла эмда аны азайтыу бла кюрешедиле.

Финансла жаны бла билимини игилендириу иш дайым бардырылады. Эки жаны да школлагъа бла вузлагъа билим бериу программаланы жарашдырыугъа къатышадыла, онлайн-семинарла къурайдыла, СМИ-ге информациялы материалла хазырлайдыла.

Ол программа инсанланы финансла жаны бла билимлерин ёсдюрюр хыйсап бла бардырылады.  Рахайланы Борис бла Аслан Калов бу ишни андан ары бардырыргъа оноулашхандыла.

Улбашланы Мурат хазырлагъанды.