«Эльбрусиада-2022» фестивальны ётдюрюуню чегинде къыйын хауа болумлада 4700 метр бийикликде радиомаякны сынау болгъанды. Ол ачыгъан адамны къайда тургъанын беш метр радиусда кёргюзтеди, билдириуню уа КОСПАС-САРСАТ халкъла аралы координация ара МЧС-ни регионда бёлюмюне оналты минутну ичинде иеди.

Сынау кёргюзтгенича, радиомаяк сотовый сетьле тутмагъан жерледе да ишлейди. Алай бла туристлени къоркъуусузлукъларын сакълауда ол излеу отрядлагъа уллу себеплик этерикди. Ол антеннасы бла приёмникден, авария радиосигналланы передатчигинден, маякдан, автоном халда заярдка берген блокдан, светодиод индикаторладан къуралады, деп билдиредиле республиканы Курортла эм туризми министерствосундан.