РЕСПУБЛИКАДА КЪЫЙМАТЛЫ БИЛИМ БЕРИУ АРАЛА КЪУРАЛАДЫЛА

Къабарты-Малкъар Республиканы Башчысы Казбек Коков республикада «Точка роста» араланы ызы къуралгъанын айтханды, ала муниципал школ билим бериуню магъаналы эм изленнген кесеги болуп барадыла. «Точка роста» арала «Билим бериу» миллет проектни «Шёндюгюлю школа» регион проектини чеклеринде элледе бла гитче шахарлада битеулю билим берген мектеплени мурдорларында къураладыла.

«Бюгюнлюкде 107 «Точка роста» ара барды, алада 32 мингден артыкъ элчи школчу юйренедиле, сейир тюйюлдю, аланы саны ёсюп баргъаны да.  Керти-илму, технический, цифровой эм гуманитар программаланы теренирек чыгъармачылыкъ халда юйрене, сабийле кеслерини хунерлерин ачыкълаядыла. Сёзсюз, арала республиканы билим бериу системасыны айныууна хайырлыдыла, ала сабийлерибизни билимлерин ёсдюрюуге себеплик этерикдиле. Быйыл эм эндиги жыл школлада, ол санда, бусагъатда ремонт этиле тургъанлада да, къошакъ билим бериуню 74 арасы ачыллыкъды, 2024 жылда – дагъыда 24-сю. Битеу да бирге 2024 жылгъа республикада 205 «Точка роста» ара ишлерикди», - деп белгилейди регионну оноучусу.

«Точка роста» ызны къуралгъаныны, дагъыда учрежденияланы материал-техника мурдорларыны тапландырылгъанларыны хайырындан эл школлада «Технология», «Информатика», «Жашауну къоркъуусузлугъун сакълау мурдорла», «Физика», «Химия», «Биология» дегенча предметлени преподаванияларын игилендирирча онгла къуралгъандыла. Аралада сабийлени даражалы олимпиадалагъа бла эришиулеге хазырлайдыла. Дагъыда бир магъаналы эсеп – школла вузла, ресурс арала эм билим бериу организацияла бла байламлыкъла жюрютедиле.

Аралада «Инфознайка», «Робототехника», «3D-моделирование эм программирование», «Графический дизайн», «Спасатель», «Промышленный дизайн. Проектирование материальной среды», «Креативная мастерская», «Геоинформационные технологии», «Музей балкарской культуры», «Театр на английском», «Говорим по-английски», «Хоровое пение», «Творческое проектирование», «Шаг в мир информатики», «Знай! Умей! Соблюдай!», «От игры к спорту», «Твори, выдумывай, изобретай!», «Химический калейдоскоп», «Волшебные фигуры», «Белая ладья», «Эколог-исследователь» кружокла ишлейдиле. 2021 жылда системагъа педагогла жарашдыргъан 500-ден артыкъ битеулю билим берген айнытыу къошакъ халлы программала кийирилгендиле: «Юный спасатель», «Юный журналист», «Основы художественного проектирования», «Шахматы» эм башхала.

«Точка росталаны» таматалары эм устазлары Россейни Жарыкъландырыу министерствосуну академиясыны Билим бериуню жангы юлгюлерин айнытыу фондда билимлерин ёсдюргендиле. Методикалы жаны бла болушлукъну КъМР-ни Жарыкъландырыу эм билим бериу министерствосуну Устазланы профессионал усталыкъларын тохтамагъанлай ёсдюрюп тургъан арасы этеди.

Поделиться:

ЧИТАТЬ ТАКЖЕ:

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.

28.03.2024 - 09:03

ИНВЕСТИЦИЯЛАГЪА – ЭНЧИ ЭС

Жангы предприятияла къурарча, производствону кенгертирча, инвестицияла этмей, башхача айтханда ишге ахча салмай боллукъ тюйюлдю.

27.03.2024 - 14:04

КЪАБАРТЫ-МАЛКЪАР РЕСПУБЛИКАНЫ БАШЧЫСЫ К.В.КОКОВНУ РОССЕЙ ФЕДЕРАЦИЯНЫ МИЛЛЕТ ГВАРДИЯСЫНЫ АСКЕРЛЕРИНИ КЮНЮ БЛА АЛГЪЫШЛАУУ

Росгвардияны Къабарты-Малкъар Республикада Управлениясыны хурметли аскерчилери, ишчилери эмда ветеранлары! Сизни Россей Федерацияны Миллет гвардиясыны аскерлерини кюню бла алгъышлайма!

27.03.2024 - 09:07

САКЪАТ САБИЙЛЕ ОКЪУУСУЗ КЪАЛМАЗЧА

Къабарты-Малкъарны Жамауат палатасында республиканы билим бериу учреждениялада сакъат эм къыйын ауругъан сабийлени окъутуу не халда болгъаны тинтилгенди.