«Онбиреуленни ышыгъында» МЧС-ни онбир къутхарыучусу, кече-кюн демей, дежурство бардырлыкъдыла. Аны бла байламлы жууукъ заманда Минги тауну этегинде юч модуль база ачыллыкъды. Аны хайыры бла къыйын болумгъа тюшген туристлеге бла альпинистлеге къысха заманда болушлукъ тапдырылырча боллукъду, деп билдириледи КъМР-ни Башчысыны бла  Правительствосуну  пресс-службасындан.  
- Минги тауну эки тёппесинде да терк сюелтилиннген модуль юйчюкле салынырыкъ жерле белгиленнгендиле. Аны бла бирге «Кавказ.РФ» биригиу «Онбиреуленни ышыгъын» жангыртырча келишгенбиз. Аны биринчи къатысында онбир къутхарыучу турлукъдула. Алагъа салыннган борч 90 процентге толтурулур ючюн сагъынылгъан адам саны тамамды,- деп билдиргенди МЧС-ни КъМР-де Баш управлениясыны таматасы Михаил Надежин.
Юйчюкледен бири 3850 метр, экиси - 2,5  эм ючюсю да 3,8 минг метр  бийикликде орнатыллыкъдыла.

Бизни корр.