Саугъалаула, эришиуле, кёрмючле

Озгъан ыйыкъда «Советская молодёжь» газетни чыгъып башлагъан кюнюн белгилерге кёп жаш адам жыйылгъанды. Байрам «Арбатда» орналгъан «Периметр» деген арада бардырылгъанды. Ары келген къонакъланы араларында КъМР-ни Маданият министерствосуну бла «Россейни Почтасыны» КъМР-де бёлюмюню  келечилери да болгъандыла. Почтачыла алайда республикалы газетлеге жаздырыуну бардырыргъа да  хазыр эдиле.
Байрам а «Мени Ата журтум» деген жарыкъ сабий жырдан башланнганды. Ызы бла газетде кёп жылланы ишлеп келген журналистлени бла суратчыланы саугъалагъандыла. КъМР-ни Маданият министерствосуну келечиси эм «КБР-Медиа» холдингни къуллукъчулары  Эллеонора Маремукова бла Холаланы Тамирлан Татьяна Свириденкогъа бла Наталья Печоновагъа  Ыспас къагъытла  бергендиле.
Ол кюн ары чакъырылгъанланы араларында «Свеча» деген литература клубну келечилери да болгъандыла. Башийланы Саида бла Алия аладан бирлери эдиле. Ала газетни  коллективин малкъар тилде алгъышлагъандыла. Сора аны баш редактору Залина Суановадан интервью алгъандыла. Ала эм клубну бирси келечилери Дамир Аришев бла Заур Барагунов   телевиденияда огъесе газетдеми ишлеген тынчды, дегенча соруула бергендиле.
Ызы бла «Россейни жангы атлары»  битеуроссей вокал конкурсда хорлагъан Виктор Ким  малкъар тилде «Минги тау» деген жырын айтханды.
Сабийлеге саугъагъа деп чакъырылгъан  Астемир Семёнов а, фокусла кёргюзтюп, уллуну, гитчени да кёллерин алгъанды. Анга битеу жыйылгъанла уллу сейир этип  къарай эдиле. Сабийле уа аны хыйлаларын ачаргъа да кюрешгендиле. Болсада фахмулу артист тасхаларын ачыкъламагъанды.
Байрамгъа келгенлени араларында элбер халда оюн къуралгъанды. Анда газетни иши, андагъы журналистлени чыгъармачылыкълары бла байламлы соруула берилгендиле.  Хорлагъанла «Игра головой» деген оюннга къатышырча сертификатла бла саугъаланнгандыла. Анга ала  тенглери эм  шуёхлары бла бирге  къатышыргъа боллукъдула.
Байрам а «Мира Мириам» бутик-ателье тикген жыйрыкъланы  «Эмоцио» деген  кёрмючю бла жабылгъанды. Аланы кёргюзтюрге «Podium Nalchik» модель агентствону келечилери болушхандыла.

Таппасханланы Аминат.

Поделиться:

ЧИТАТЬ ТАКЖЕ:

29.03.2024 - 17:29

САКЪАТЛЫКЪЛАРЫ БОЛГЪАНЛАГЪА БОЛУШУРЧА

Къабарты-Малкъарны Жамауат палатасында «тёгерек столда» психикаларында энчиликлери болгъан адамланы реабилитацияларын бардырыуда саулукъ сакълау, социал къорууланыу учрежденияланы эм коммерциялы бо

29.03.2024 - 09:05

БАХЧАЛАНЫ БУЗДАН КЪОРУУЛАРГЪА – 40 МИЛЛИОН СОМ

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 40 миллион сом бёлюнюрюкдю.

29.03.2024 - 09:04

КАРТОФДАН БАЙ ТИРЛИК КЪУУАНДЫРАДЫ

Шимал-Кавказстатны управлениясындан  билдиргенлерича, былтыр Къабарты-Малкъарны  мюлклерини барысында да картофдан  154,6 минг тонна  жыйылгъанды.  Ол былтырдан 1,8 процентге кёпдю.

29.03.2024 - 09:04

ТАНГ КЕСЕК КОНСЕРВА ЧЫГЪАРЫЛАДЫ

Къабарты-Малкъар тахта кёгетледен консервала жарашдырыу бла эки жылны ичинде алчы жерни алады. Ол санда былтыр, 363,8 миллион банка чыгъарылгъанды.

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.