Республиканы Курортла эм туризм министерствосундан билдиргенлерине кёре, МТС «Big Data» сервисни болушлугъу бла россейлиле майда бла июньда къайда солургъа сюйгенлерин тинтгенди. Ачыкъланнганыча, адамла бек жаратып келген жер Къабарты-Малкъар болгъанды. Бизге Владикавказдан, Москвадан, Ставропольдан бла Краснодардан аслам турист келгенди.
«Big Data» 2022 жылны 1 майындан башлап 30 июнуна дери туристлени сайлауларын былтырны аллай кезиую бла тенлешдиргенди. Тохташдырылгъаныча, республикабызда солугъанланы саны 12 процентге кёбейгенди. Туристлени жыл санлары 25-44 болгъанды, ала кёбюсюнде бери ючкюнлюк жолоучулукълагъа кеслерини автомобильлеринде келгендиле.
Операторну регионда бёлюмюню башчысы Залийханланы Элдар айтханнга кёре, Къабарты-Малкъар къыш туризмни арасы болгъанлыкъгъа, жай солууларын да мында ётдюрюрге сюйгенлени саны ёсе барады. «Ол да сейир тюйюлдю, бизни жерибизни табийгъаты солургъа аламат келишеди. Къонакъбай адетлерибиз, кюнню жылылыгъы, татыулу азыкъла, таула, чучхурла, кёлле – ала кимни да кёлюне жеталлыкъдыла». – дегенди ол.

Кульчаланы Зульфия.