Черек районда къонакъбайлыкъны онглары сюзюлгендиле

КъМР-ни Парламентини Физкультура, спорт эм туризм эмда Экономика политика, инновация айнытыу эм предпринимательство жаны бла комитетлерини башламчылыкълары бла Черек районда жыйылыу бардырылгъанды. Анда районну турист-рекреация онглары эмда предпринимательствону айнытыуну мадарлары сюзюлгендиле

 Кенгешге спикер Татьяна Егорова, Курорт эм туризм жаны бла министерствону келечилери, Черек районну администрациясыны оноучулары да къатышхандыла.
– Туризм республиканы экономикасыны баш бёлюмлеринден бириди. Россейде бу сферада ахыр жыллада тюрлениуле башланнгандыла. Къыралны ичинде туризмге аслам эс бурулады. Башхача айтханда, бу сферада да тыш къыраллы жумушланы кесибизни онгларыбыз бла алышыу иш толтурулады. Бизни республиканы бу жаны бла онглары уллудула. Ахыр жыллада къонакъланы саны иги да ёсгенди. Коронавирус жайылгъан къыйын кезиуде, аны бла байламлы чекле кийирилген заманда окъуна, бизге солургъа келгенлени саны азаймагъанды. Табийгъатыбызны ариулугъу туризмни, курортну, саулукъну игилендириу комплексни аягъы юсюне этерге болушады, – дегенди жыйылыуну ача Татьяна Егорова.
Спикер туризм жер-жерлени айнытыугъа, инфраструктураны жангыртыугъа, предпринимательствону тирилтиуге, ишчи жерлени къураугъа, башха социал сорууланы тамамлаугъа себеплик этгенин да белгилегенди.
– Республикада гитче эм орталыкъ бизнесге эс бурулады. Бу жаны бла программаланы чеклеринде къырал себепликни системасы къуралгъанды, инвестиция проектле толтуруладыла, къырал программаланы эм миллет проектлени чеклеринде болушлукъ алыуну соруулары тамамланадыла,-дегенди Татьяна Борисовна эмда Черек районну бу жаны бла онглары уллу болгъанларын чертгенди.
Болсада кемчиликле энтта бардыла. Туризмни артыкъда файдалы этерге, гитче эм орталыкъ бизнесни тирилтирге, инвестицияланы кёбейтирге керекди.
– Черек район къуру КъМР-ни угъай, Россейни саулай да айбат, туризм жаны бла энчи жерлеринден бириди. Мында бийик таула бла бирге саулукъгъа жараулу гара суула, тарых эсгертмеле бардыла. Районда турист инфраструктураны къураугъа инвесторла болгъанларын кёргенбиз. Къонакъ юйле, ресторанла, кафеле ишленедиле. Алай ала да аздыла, шёндюгю турист тириди, жангычылыкълагъа ачыкъды, – дегенди спикер.
Курорт эм туризм министр Мурат Шогенцуков туризмни айнытыугъа бурулгъан жумушланы юслеринден айтханды, ол санда Ростуризмни программасына кёре жангы маршрутла къуралгъандыла. Анга сынау халда «Шимал Кавказ: шахарла, таула, къонакъбайлыкъ» деп аталгъанды.
Мурат Шогенцуков юлгюге «Огъары Чирик кёл» турист комплексни келтиргенди. Ол «Жылны ичинде ишлеген «Огъары Чирик кёлле» турист-рекреация кластер» проектни бир кесегиди. Анга бюгюнлюкде 200 миллион сом къоратылгъанды, къурулуш андан ары бардырылады.
Министр кемчиликлени юслеринден да айтханды. Биринчиден, районда къонакъ юйлени азлыгъына, жумушла тийишли даражада толтурулмагъанларына эс бургъанды. Ол Черек районда турист жерлени концепциясы болургъа кереклисин белгилегенди.

Черек районну администрациясыны таматасы Къулбайланы Алан бюгюнлюкде 14 къонакъ юй, аш-суу бла жалчытхан 26 жер болгъанларын билдиргенди. Ахыр кезиуде районда жангы турист объектле ишлетилгендиле. Аны хайырындан а къонакъланы саны иги да ёсгенди. Сёзге, былтыр Черек районда 160 минг адам солугъандыла.
 Туризм бла гитче эм орталыкъ бизнесни 45 объекти кюрешедиле, ол санда 25-си энчи предпринимательледиле. Къулбайланы Алий хар турист объектни, проектлени юслеринден энчи айтханды. Сёз кемчиликлени юслеринден да баргъанды. Ала уа къуру районда угъай, битеу республикада да туризмни айныууна чырмау этгенлерин белгилегенди.
 - Бек алгъа инженер инфраструктураны, ол санда ток, суу бла жалчытыу, сууну тазалаучу, транспорт системаланы белгилерге керекди. Ала къонакъланы излемлеринден артха къаладыла. Дагъыда инвесторла аздыла, кредит амалла да жетишмейдиле. Районну туристлеге ачыкълау, белгили этиу иш тийишли даражада толтурулмайды. Битеу бу кемчиликлени бир жылны ичинде тамамлар онг болмагъанын ангылайбыз,-дегенди ол.
Жыйылыуда Парламентни Физкультура, спорт эм туризм жаны бла комитетини башчысы Арсен Барагунов да сёлешгенди. Ол экологияны хайырланнганлары ючюн ахча жыйыуну къураргъа, тюшген файданы турист-рекреация инфраструктураны игилендириуге къоратыргъа боллугъуну юсюнден айтханды.
Экономика политика, инновация айнытыу эм предпринимательство жаны бла комитетни башчысы Заур Апшев а бизнесни айнытыу мадарла керек болгъанларын чертгенди. Ол туризмде хайырлы мадарла бюджетни толтурургъа, инвестицияланы кёбейтирге себеплик этериклерин белгилегенди.
Депутатла бу сферада федерал программалагъа къатышыуну, тамамланнган жумушланы даражасын игилендириуню, кадрланы хазырлауну, Черек районну онгларын кенг белгили этиуню, эко эм агро туризмни амалларыны, тарых магъаналы эсгертмелени сакълауну юслеринден айтхандыла.
Ахырында жууаплы органлагъа эсгертиуле къабыл кёрюлгендиле. Алада къырал-энчи иели эм муниципал-энчи иели партнёрлукъ мадарланы сингдириуню, къонакъланы жумушларын толтургъанда санитар-эпидемиология жорукъланы сакълауну юслеринден барады сёз. Дагъыда турист жерледе сатыу-алыуну бир низамгъа келтириуню юсюнден да айтылгъанды.

 КъМР-ни Парламентини
пресс-службасы.

Поделиться:

ЧИТАТЬ ТАКЖЕ:

29.03.2024 - 09:05

БАХЧАЛАНЫ БУЗДАН КЪОРУУЛАРГЪА – 40 МИЛЛИОН СОМ

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 40 миллион сом бёлюнюрюкдю.

29.03.2024 - 09:04

КАРТОФДАН БАЙ ТИРЛИК КЪУУАНДЫРАДЫ

Шимал-Кавказстатны управлениясындан  билдиргенлерича, былтыр Къабарты-Малкъарны  мюлклерини барысында да картофдан  154,6 минг тонна  жыйылгъанды.  Ол былтырдан 1,8 процентге кёпдю.

29.03.2024 - 09:04

ТАНГ КЕСЕК КОНСЕРВА ЧЫГЪАРЫЛАДЫ

Къабарты-Малкъар тахта кёгетледен консервала жарашдырыу бла эки жылны ичинде алчы жерни алады. Ол санда былтыр, 363,8 миллион банка чыгъарылгъанды.

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.