ТЭРЧ КЪАЛЭ ЩЫХЬЭЩIАЩ

Налшык къалэм и ЦIыхубзхэм я советым и унафэщI Дыджэш Лидиерэ бын куэд зыпI унагъуэ зыбжанэрэ Тэрч къалэм дэт музейм иджыблагъэ щыхьэщIащ. 
  Къэбэрдей-Балкъэрыр къызэрызэрагъэпэщрэ илъэси I00 щрикъум, Урысейм ис лъэпкъхэм я щэнхабзэ Iэужьым и илъэсым хуэгъэпсауэ къызэрагъэпэща зэIущIэм щIэблэм я къэкIуэнум, ахэр щагъасэкIэ нэхъыбэу гулъытэ зыхуащIыпхъэу къалъытэ Iуэхугъуэхэм щытепсэлъыхьащ абы. 
Иужьрей илъэсхэм щIыналъэм зэрызиужьам, цIыху щхьэхуэхэм я ехъулIэныгъэм хьэщIэхэр щигъэгъуэзащ, абыхэм я упщIэхэми жэуап иритащ  Музейм и унафэщI НыфлъащIэ Светланэ. 
Абы утыку къыщрахьат «ЛIэщIыгъуэхэм къыпхаха гъуазджэ» фIэщыгъэм щIэту ягъэIэпхъуэ гъэлъэгъуэныгъэ гъэщIэгъуэн. Ар зыгъэхьэзырар Тэрч къалэм Сабий творчествэмкIэ и центрырщ.
ГъуазджэхэмкIэ сабий школым щеджэхэу Балъкъэр Идар, Дадэ Ахьмэд, Джаурджий Дмитрий, Щомахуэ Ислъам сымэ хьэщIэхэм я нэгу зрагъэужьащ. Ахэр зыгъэхьэзырар КъБР-м щэнхабзэмкIэ щIыхь зиIэ и лэжьакIуэ ЗэрамыщIэ Заретэрэ хормейстер Къуэн Асиятрэщ.
Дыджэш Лидие бысымым фIыщIэ яхуищIри ныбжьыщIэхэм ехъуэхъуащ ехъулIэныгъэ яIэну. 
НыфлъащIэ Светланэ илъэс куэд щIауэ зыдэлажьэ, закъыщIэзыгъакъуэ IуэхущIапIэхэм ящыщу Пенсионерхэм я зэгухьэныгъэм и къудамэу Тэрч щIыналъэм щыIэм и унафэщI Чэрты Зое, Сабий гъуазджэхэмкIэ школым и унафэщI Чалая Татьянэ, Сабий творчествэмкIэ центрым и унафэщI Тау Иринэ сымэ фIыщIэ яхуищIащ. 
ХьэщIэхэмрэ бысымхэмрэ гуапэу зэбгъэдэсащ, къаIэта Iуэхугъуэ елъытауэ щхьэж и гупсысэ, и Iуэху еплъыкIэ жаIэну.
Тэрчокъуэ Дисэ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)