САБИЙМИ АНЭМИ ЯДЭIЭПЫКЪУАЩ

ГИБДД-м и инспекторхэм медицинэ IуэхущIапIэм и чэзум нагъэсащ дэIэпыкъуэгъу хуэныкъуэхэр - илъэситI хъу сабиймрэ цIыхубз уэндэгъумрэ. Абы папщIэ фIыщIэ хуащI гъуэгу-плъыр къулыкъум и лэжьакIуэхэм. 
Старэ Шэрэдж къуажэм къалэныр щезыхьэкI автоинспекторхэм захуигъэзащ гъуэгум тет шофер пIейтейм, сабий сымаджэщым нэхъ псынщIэу нэсынымкIэ къадэIэпыкъуну елъэIуу. ЩIалэм илъэситI хъу и къуэ цIыкIум лъы фIэкIуэдырти, икIэщIыпIэкIэ дохутыр дэIэпыкъуэгъу хуейт. Сабийм и щытыкIэр кIуэ пэтми екIакIуэрт. 
Полицэм и лейтенант нэхъыжь Пщынокъуэ Ислъамрэ полицэм и лейтенант ХьэцIыкIу Маратрэ адэ-анэмрэ я къуэ цIыкIумрэ сабий клиникэ сымаджэщым нэгъэсыным елIэлIащ. Дохутырхэр и чэзум къадэIэпыкъуащ. Иджы Асхъат цIыкIу и гъащIэмрэ узыншагъэмрэ тэмэмщ. 
«ФIыщIэ яхудощI инспекторхэм зэрызыкъытщIагъэкъуам папщIэ. Я IэщIагъэм зэрыхуэIэижьым, я гуапагъэмрэ цIыхугъэмрэ папщIэ», - къатхащ щIалэ цIыкIум и адэ-анэм. 
Апхуэдэ Iуэху къыщыхъуащ республикэм и Шэджэм районми. Полицэм и лейтенант нэхъыжьхэу Сындыку Наурбэчрэ Жансуев Азэмэтрэ закъыхуигъэзащ щIыпIэм щыпсэум. ЦIыхухъум зэрыжиIамкIэ, лъхуапIэм кIуэуэ Шэджэм къалэм гъуэгу здытетым, сабийр дунейм къытехьэну зыкъригъащIэ хъуат и щхьэгъусэм. 
Полицейхэм унагъуэр псынщIэу Перинатальнэ центрым нагъэсащ. Куэд дэмыкIыу дунейм къытехьащ сабий узыншэ цIыкIу. 
«КъыддэIэпыкъури ахэр зынщIэу IукIыжахэщ. ФIыщIэшхуэ яхудощI къызэрыддэIэпыкъуам папщIэ», - къатхащ зэщхьэгъусэхэм.
Езы полицейхэм жаIэ сыт щыгъуи цIыхухэм ядэIэпыкъуну зэрыхьэзырыр. 

Зыгъэхьэзырар Уэрдокъуэ Женящ.

Поделиться:

ЧИТАТЬ ТАКЖЕ:

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.