ЗЭГУРЫIУЭНЫГЪЭ ЩХЬЭПЭХЭР

Санкт-Петербург къалэм мы махуэхэм щекIуэкI Дунейпсо экономикэ зэхуэсым (ПМЭФ) и лэжьыгъэм хэту, Къэбэрдей-Балъкъэрым и Iэтащхьэ КIуэ­кIуэ Казбек хуэзащ УФ-м и Правительствэм и нэIэм щIэту ла­жьэ Аналитикэ центрым и уна­фэщI Калинин Константин. Абыхэм Iэ традзащ КъБР-м и Правительствэмрэ Аналитикэ центрымрэ зэрызэдэлэжьэнум теухуа дэфтэрым.

Зэхуэзэм къриубыдэу КIуэ­кIуэ Казбекрэ Калинин Константинрэ тепсэлъыхьащ зэраухылIа зэгурыIуэныгъэм къриубыдэу ­зэдалэжьыну я мурад Iуэху­гъуэхэм. Ахэр епхащ хъыбар­егъащIэ-аналитикэ, эксперт-аналитикэ унэтIыныгъэхэу Къэбэрдей-Балъкъэрым и экономико-социальнэ зыужьыныгъэм хуэ­гъэпсахэм.
«Ди зэдэлэжьэныгъэр нэхъы­бэу хуэунэтIауэ щытынущ стра­тегие мыхьэнэ зиIэ зыужьыны­-гъэ планхэр, лъэпкъ проектхэр, федеральнэ, щIыналъэ програм­мэхэр ехъулIэныгъэкIэ ди республикэм щыгъэзэщIэным, ди щIыналъэр инвесторхэр дэзы­хьэх щIыпIэ хъуным, ди респуб­ликэр нэхъыбэу зыхуэныкъуэ экономикэ къудамэхэм нэхъри зегъэужьыным», - щыжеIэ КIуэкIуэ Казбек и телеграм-каналым, Санкт-Петербург щызэраухылIа зэгурыIуэныгъэм тепсэлъыхьу.
УФ-м и Правительствэм и нэ­Iэм щIэт Аналитикэ центрым щы­зэфIах лэжьыгъэ псоми я тегъэщIапIэщ бжыгъэр зи лъабжьэ иджырей технологие пэрытхэр. Ахэр къыщыбгъэсэбэп мэхъу ­экономикэм и унэтIыныгъэ зэ­мы­лIэужьыгъуэхэм, абыхэм нэхъри зегъэужьын папщIэ.
«Къэрал Iуэху зехьэкIэм технологие пэрытхэр къыщыгъэсэ­бэпыным Iэмал къыдитынущ ди пащхьэ къиувэ къалэн зэмылIэу­жьыгъуэхэр нэхъ псынщIэу зэфIэха хъунымкIэ. Апхуэдэу  абы и фIыгъэкIэ хэпщIыкIыу зыпхуегъэужьынущ инвестицэ, инновацэ Iуэхухэм. Экономикэр иджыпсту зэрыт щытыкIэр къэп­лъытэмэ, абыхэм мы­хьэнэшхуэ яIэщ», - къыхигъэщащ и пса­-лъэм ди республикэм и Iэтащхьэм.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)