УЭРЭ СЭРЭ

Узбекистаным къыщыхъуа нысашэ хъыбарым дунейр къызэхикIухьри, Кавказми къэсащ. ЩIали хъыджэбзи, жьыи щIэи я нэгу щIэкIам я щхьэфэцыр игъэтэджащ жыпIэныр мащIэщ, апхуэдизкIэ къигъэгубжьащи. 
ХьэгъуэлIыгъуэм хэту щауэмрэ нысащIэмрэ хьэтиякIуэм иригъэкIуэкI, езы тIур псынщIагъкIэ щызэпеуэ зэхьэзэхуэ цIыкIу гуэрым зэдыхэту, нысащIэм тхылъымпIэ зэфIэтхъыныр япэу иухри, зэрытекIуам и нэщэнэу, щIалэм и дамэм щабэу еIусащ. Гъэсэныгъэми гуапагъэми хуэхей, гушыIэ къызыгурымыIуэххэу къыщIэкIа модрей насыпыншэм афIэкIа хэмылъу, къуажи жыли зэрыхэтым хуэдэу, нысащIэ гъэщIэрэщIам «иреуд мыр» жыпIэу, къару щIэлъу и щхьэм еуэри, и напIи мыджылу захуэу къэувыжащ. Къыбгъэдэт щауэ гъусэри пыгуфIыкIа фIэкIа, «Iым» жиIакъым. НысащIэми и щхьэр ирихьэха фIэкIа, Iужыжакъым, кIиякъым, и жагъуэ зэрыхъуар нэрылъагъуми, гу щIылъыптэн зыри къигъэхъуакъым, и щхьэр ирихьэха фIэкIа. 
 «Зи пащхьэ ит цIыху къомым ящымыукIытэу апхуэдэу зыщIэ лIым, и закъуэ къанэмэ, сыт а нысащIэм ирищIэнкIи хъунур, - жеIэ уэрэджыIакIуэ Волковэ Екатеринэ. – ГушыIэ зэпеуэм къызэрыщытекIуам щхьэкIэ еуащ. Ар дауэ къызэрыбгурыIуапхъэр? ЩыцIыкIум а щхьэпсым щхьэ зыми къыгуримыгъэIуарэ апхуэдэу пщIэ зэрымыхъунур. Узбекистанрауи щремыт ар къыщыхъуар. Щхьэ зыри къыщхьэщымыжарэ а хъыджэбзым?» 
Нэхъ гъэщIэгъуэным щыщIидзар видеор Кавказым къэса нэужьщ. Ди лъахэгъухэми зыри къахэкIакъым щIалэм ищIар игъэзахуэу. «Дэлъху е адэ имыIэу ара а хъыджэбзым?» - жызыIэ щIалэхэр къызэщIэхъеящ. «ЩIэпхъуэ, щIэпхъуэ, дахэ, зы сыхьэт убгъэдэмыс а акъылыншэм!» - кIэщIатхащ хъыджэбзхэм видеом и лъабжьэм. 
 «Сыту фIыщэ адыгэ хабзэр зэрыдиIэр», - жеIэ ди лъэпкъэгъу гуэрым. Иджы дыщIэгузавэр зыщ. Кавказ щIалэхэр хъыджэбзым къыщхьэщыжыну Узбекистаным зэрыхьынкIэ. Хьэмэ дэри диIэу пIэрэ апхуэдэ щIалэхэр?!
ЧЭРИМ Марианнэ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)