КАЗБЕК КОКОВ ИНГУШЕТИЯ РЕСПУБЛИКАНЫ КЪУУАНЧЛАРЫНА КЪАТЫШХАНДЫ

КъМР-ни Башчысы Казбек Коков  Магасда Ингушетия Республика къуралгъанлы 30 жыл толгъанына аталгъан къууанчлы ишлеге къатышханды. 

Байрам саугъалаудан башланнганды. Анга уа Россей Федерацияны Президентини Шимал-Кавказ федерал округда толу эркинликли келечиси Юрий Чайка да къатышханды. Ол бек алгъа Россей Федерацияны Президенти Владимир Путинни алгъышлау телеграммасын окъугъанды. Анда былай айтылады:

«Багъалы шуёхларым! Сизни аламат байрам бла – Ингушетия Республика къуралгъанлы 30-жыллыгъы бла – алгъышлайма. Республиканы къуралгъаны кертиси бла да ингуш халкъны къадарында, россей къыраллыкъны кючлендириуде бек магъаналы иш болгъанды. Ата журтну аскер эмда урунуу махтаулугъуна, бизни кёп миллетли туугъан жерибизни маданият эмда ниет хазналарын сакълаугъа уллу къыйын салгъан жерлешлеригизни кёп тёлюлери бла ёхтемленнгенигизни кёрген бизге бек хычыуунду. 

Бек башы уа – регионну аллында заманны излемине кёре салыннган борчланы бет жарыкълы толтурургъа итинесиз. Озгъан заманны ичинде республикада агропромышленный комплексни жангы предприятиялары бла объектлери ишленнгенлерин, транспорт, къурулуш эмда туризм иги айныгъанларын белгилерге сюеме. Энди бек магъаналысы - ол жетишимледе тохтап къалмауду, ишни андан ары селейтмей бардырыуду, Ингушетияны экономикасына уллу инвестицияла келирча этиудю, социал эмда инфраструктура проектлени толтурууду, ишчи жерле къурауду, халкъны къолайлыгъын ёсдюрюудю.

Ингушетия Республиканы, саулай къыралыбызны да айнытыугъа бурулгъан муратларыгъызгъа жетиуню жолунда сизге жетишимле тежейме».

Андан сора полпред Россей Федерацияны Президентини буйругъу бла Марзиев Ахмедге бла аны юй бийчеси Патиматха «Ата-ана махтаулукъну» орденин бергенди.

Регионну оноучуларын бла жамауатын алгъышлап, Шимал-Кавказ федерал округну регионларыны башчылары да сёлешгендиле. Казбек Коков, Ингушетия Республикада жашагъанланы аламат байрам бла алгъышлай, былай дегенди: «Къадарны ахшылыгъындан мен республика къалай къурала тургъанына шагъат болгъанма.  90-чы жылла  бек къыйын жылла эдиле. Къыралны чач-тюк этерге кюрешгендиле. Шимал Кавказны да тарт-соз этгенле чыкъгъандыла. Алай къырал чыдаялгъанды. Ингушетия Республика да чыдаялгъанды,  къыйын сынаудан ёталгъанды. Ол къыйын заманда энчи статусун тохташдырып, айныуну жолу бла  алгъа тебирегенди.

Бюгюнлюкде Ингушетия социал-экономика айныуну юлгюсюн кёргюзтеди. Ара шахары Магас къалай жашнагъанын биз кёрюп турабыз. Ол а тюрлю-тюрлю кезиуледе республикагъа башчылыкъ этген адамланы таукелликлерини бла акъыллы оноуларыны хайырындан болгъанына мен ишексизме. Ма бюгюнлюкде да Махмуд-Али Макшарипович аланы ишлерин андан ары бардырады, республиканы къуралыулукъну жолу бла алгъа элтеди. Республиканы баш  байлыгъы – ингуш халкъы, иш кёллю, огъурлу, шуёхлукъну багъалай билген халкъы - болмай а ол жетишимлеге жетерге онг болмазлыгъы баямды. 

Къабарты-Малкъарны бла Ингушетияны жаланда бирча адет-тёрелери, адеп-къылыкълары угъай, ёмюрлени теренинден келген шуёхлукъ да бирикдиреди. Биз не заманда да бирге болгъанбыз – къууанчда, бушууда да. Ол ахшы тёрени андан ары бардырыргъа, кёп миллетли къыралыбыз айныр ючюн, аны кючлендирирге барыргъа борчлубуз. Ол зат бизни къолубуздан келлигине мен ишексизме. Ингушетия Республика жашнарын, таза кёкню тюбюнде тынч-ырахат жашарын сюйгеними билдиреме». 

Юсюпланы Галина хазырлагъанды.

Поделиться:

ЧИТАТЬ ТАКЖЕ:

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.

28.03.2024 - 09:03

ИНВЕСТИЦИЯЛАГЪА – ЭНЧИ ЭС

Жангы предприятияла къурарча, производствону кенгертирча, инвестицияла этмей, башхача айтханда ишге ахча салмай боллукъ тюйюлдю.

27.03.2024 - 14:04

КЪАБАРТЫ-МАЛКЪАР РЕСПУБЛИКАНЫ БАШЧЫСЫ К.В.КОКОВНУ РОССЕЙ ФЕДЕРАЦИЯНЫ МИЛЛЕТ ГВАРДИЯСЫНЫ АСКЕРЛЕРИНИ КЮНЮ БЛА АЛГЪЫШЛАУУ

Росгвардияны Къабарты-Малкъар Республикада Управлениясыны хурметли аскерчилери, ишчилери эмда ветеранлары! Сизни Россей Федерацияны Миллет гвардиясыны аскерлерини кюню бла алгъышлайма!

27.03.2024 - 09:07

САКЪАТ САБИЙЛЕ ОКЪУУСУЗ КЪАЛМАЗЧА

Къабарты-Малкъарны Жамауат палатасында республиканы билим бериу учреждениялада сакъат эм къыйын ауругъан сабийлени окъутуу не халда болгъаны тинтилгенди.