ПУШКИН И ФЭЕПЛЪ ПШЫХЬ

9 июня, 2022 - 06:45

Пушкин Александр къызэралъхурэ илъэс 223-рэ зэрырикъум теухуауэ КъБКъУ-м щекIуэкIащ «Сэ Пушкин фIыуэ солъагъу» литературэ еджэныгъэхэр.

ЗэIущIэр иригъэкIуэкIащ щIэныгъэ библиотекэм и лэжьакIуэ Буран Мадинэ.

УсакIуэ цIэрыIуэм хуащI пщIэмрэ лъытэныгъэмрэ къагъэлъагъуэу, утыкум итащ «Свеча» литературэ студием екIуалIэ цIыкIухэр, ГъуазджэхэмкIэ сабий школ №1-м зыщызыгъасэхэр, студентхэр, хамэ къэралхэм щыщу КъБКъУ-м щеджэхэр, нэгъуэщIхэри.

Пушкин Александр теухуауэ а пшыхьым къыщыпсэлъащ культурологие щIэныгъэмкIэ доктор, профессор ЩауэцIыкIу Людмилэ.

Хейфиц Еленэ зи унафэщI «Glissandro» уэрэджыIакIуэ гупым Пушкин и усэхэр зи лъабжьэ «Юнона и дева» романсыр ягъэзэщIащ.

Псом хуэмыдэу къызэхуэсахэм ягу ирихьащ сабий гъэсапIэхэм щIэс цIыкIухэм усакIуэшхуэм и IэдакъэщIэкIхэм щыщ пычыгъуэхэр зэрагъэзащIэр.

«ДыгъафIэ къалэм» къикIа «Свеча» литературэ студием хэтхэр, КъБКъУ-м и студентхэр гъэхуауэ къеджащ усакIуэм и IэдакъэщIэкIхэм.

 КъБКъУ-м Урысыбзэмрэ щэнхабзэмкIэ и щIэныгъэ-егъэджэныгъэ центрым и унафэщI Чайкэ Надеждэрэ абы и къуэ ЦIыпIынэ Михаилрэ «Буря мглою небо кроет» романсыр жаIащ.

ЩОМАХУЭ Залинэ.

  • 20 просмотров

Поделиться:

ЧИТАТЬ ТАКЖЕ:

24.04.2024 - 09:09

IУАЩХЬЭМАХУЭ КУЭДЫМ Я ПЛЪАПIЭЩ

Мэлыжьыхьым и 12-м щегъэжьауэ Азау хуейм машинэ ирагъэхьэжынукъым. Абдеж щащIа гъэувыпIэр иджы дыдэ къызэIуахащ, машинэ 800 ихуэу.
24.04.2024 - 09:09

АЛБЭРДЫКЪУЭ IЭМИН

Налшык къалэм иджыблагъэ щекIуэкIащ дзюдомкIэ 27-нэ щIыналъэ зэхьэзэхуэ.
24.04.2024 - 09:08

ГЪУЭГУФIХЭР НЭХЪЫБЭ МЭХЪУ

Налшык къалэм и уэрамибл, псори зэхэту километри 8 я кIыгъагъыу, мы махуэхэм зэрагъэпэщыж.
23.04.2024 - 10:01

КОМПЬЮТЕР ЩIЭПХЪАДЖАЩIЭХЭМ ЩАХЪУМЭ

21-нэ лIэщIыгъуэм зыужьыныгъэщIэхэр къытхуихьащ, абы къыдэкIуэуи, псом хуэмыдэу ныбжьыщIэхэр зыщыхъумапхъэ Iуэхугъуэхэри ди гъащIэм къыхихьащ.
23.04.2024 - 09:03

ЕКIУУ ЗЫКЪЫЩАГЪЭЛЪАГЪУЭ

Орёл къалэм иджыблагъэ щекIуэкIащ Урысейм каратэмкIэ пашэныгъэр къыщыхьыным хуэунэтIа зэхьэзэхуэ.