|
ЩIАЛЭГЪУАЛЭР ЛИТЕРАТУРЭМ ДРАГЪЭХЬЭХ
18 мая, 2022 - 06:41
Вэрокъуэ Владимир и цIэр зезыхьэ ЩэнхабзэмкIэ фондым «Как слово наше отзовётся…», «Забота о чтении - забота о будущем нации» зэпеуэхэм щытекIуахэр иджыблагъэ щагъэлъэпIащ.
Илъэс еянэ хъуауэ ирагъэкIуэкI зэпеуэхэр къызэзыгъэпэщар Тхылъыр фIыуэ зылъагъухэм я зэгухьэныгъэу КъБР-м щыIэрщ. Мы гъэм ар хуэгъэпсауэ щытащ тхакIуэ цIэрыIуэхэу Журт Биберд, Уэрэзей Афлик, Куэшбей Жэмбулэт, Мусукаевэ Сакинат, Залиханов Жанакаит, Гулиев Мэжит сымэ я IэдакъэщIэкIхэм.
Зэпеуэм и «Литературэ зэрадзэкIа» Iыхьэм и къэпщытакIуэ гупым я тхьэмадэу щытар тхыдэдж Бейтыгъуэн Сэфарбийщ, «Художественнэ псалъэ» Iыхьэм и къэпщытакIуэ гупым я тхьэмадэ къалэныр зыхуагъэфэщар КъБР-м и цIыхубэ тхакIуэ Беппаев Муталипщ. Абыхэм ядэIэпыкъуащ УФ-м и ТхакIуэхэм, Журналистхэм я зэгухьэныгъэм хэтхэр, творческэ щIалэгъуалэр.
- Ди республикэм и школакIуэ щищым щIигъу хэтащ зэпеуэм. Тхыгъэу 100-м щIигъу, (тхылъ цIыкIухэр, экслибрис, усэхэр, едзыгъуэхэр) къагъэхьат абыхэм. «Как слово наше отзовётся» зэпеуэм цIыхуи 150-рэ хэтащ. «Литературэ зэрадзэкIа» Iыхьэм илъэс зыбжанэ хъуауэ нэхъ балигъхэри къызэрыхыхьэр ди гуапэщ, - жиIащ зэпеуэм и зэхэублакIуэ Тхылъыр фIыуэ зылъагъухэм я зэгухьэныгъэу КъБР-м щыIэм и унафэщI Шинкарёвэ Наталье.
ЗэIущIэр къызэIуаха иужь, къэпщытакIуэ гупыр ныбжьыщIэхэм яхутепсэлъыхьащ зэпеуэм кърагъэхьа лэжьыгъэм, гулъытэ нэхъ зыхуэщIыпхъэ Iуэхугъуэхэм.
ГъуазджэхэмкIэ Кавказ Ищхъэрэ къэрал институтым и студентхэм усэрэ макъамэу зэхэухуэна теплъэгъуэ гъэщIэгъуэн утыку кърахьащ. Ахэр зыгъэхьэзырар КъБР-м ЕгъэджэныгъэмкIэ щIыхь зиIэ и лэжьакIуэ, профессор ЩауэцIыкIу Людмилэщ.
Зэпеуэм кърихьэлIахэм, щIыналъэхэм я курыт еджапIэхэмрэ библиотекэхэмрэ тыгъэ хуащIащ Химие щIэныгъэхэм я доктор Хьэмызэ Руслъан адыгэбзэкIэ зэридзэкIа «Евгений Онегин» романыр (Пушкин Александр).
Тэрчокъуэ Дисэ.
|
20.04.2024 - 12:25 Къэрал куэдым мэлыжьыхьым и 19-р «Ажэгъуэмэм и махуэу» щагъэлъапIэ. Абы гулъытэ хэIэтыкIа хуэщIыпхъэу къалъытэу, япэ дыдэу, I984 гъэм, Iуэхур къыщрахьэжьар Инджылыз къэралыгъуэрщ. |
|
20.04.2024 - 09:03 Къэбэрдей-Балъкъэр Республикэм мы гъэм еханэу щекIуэкIынущ «ТекIуэныгъэм и диктанткIэ» зэджэ, гъэсэныгъэ мыхьэнэшхуэ зиIэ Iуэхугъуэ щхьэпэр. |
|
19.04.2024 - 09:01 Тамбукъан гуэл шыугъэм илъэс 700 тхыдэ къызэринэкIащ. Абы ит псыр ижыркъым, мыл ткIужхэмрэ уэшххэмкIэ ирикъуу аращ. Абыхэм къадэкIуэу ябрууауэ щыта жапIэхэмкIэ абы хохъуэ минеральнэ псы. |
|
19.04.2024 - 09:01 2024 гъэм и япэ мазищым къызэрагъэлъагъуамкIэ, хьэщIэщым къыщыувыIэну махуэу зыщрагъэтхамрэ абы щыщIэтIысхьа махуэмрэ я зэхуакум дэлъ пIалъэм и кIыхьагъымкIэ Къэбэрдей-Балъкъэрым къэралым и щIыналъ |
|
18.04.2024 - 12:25 2024 гъэм и япэ мазищым къриубыдэу Къэбэрдей-Балъкъэрым зыщызыплъыхьыну къэкIуа туристхэм я бжыгъэр мин 398-рэ хъуащ икIи ар процент 24,8-кIэ нэхъыбэщ къапщытэж лъэхъэнэм ирихьэлIэу нэгъабэ щыIа бж |
|