Былтыр  Къабарты-Малкъарда этден бла андан  этилген  продукциядан 78,6 минг тонна чыгъарылгъанды. Аны элли минг тоннасына жууугъу  эл мюлк организацияла бла элчи фермер мюлклеге жетеди.  Эсге сала айтсакъ,  республиканы рынокларында 63,5 минг тоннадан кёп хайырланылмайды. Ол себепден тышына сатарча да ахшы онгла  бардыла.   Аны юсюнден бизге КъМР-ни Эл мюлк министерствону пресс-службасындан билдиргендиле. 

Быйылны  юсюнден айтханда,  производство ахшы жетишимле кёргюзтеди.  Озгъан юч айда малла бла юй къанатлыланы этинден (союлмагъан ауурлукъда) 21,5 минг тонна сатылгъанды. Ол былтыр бу заман бла тенглешдиргенде 102,5 процентге кёдю. 

Мындан арысында да малчылыкъ бёлюмде уруннганла  эт продукцияны производствосун  ёсдюре бардырыргъа таукелдиле.

Магометланы Сулейман.