Статьи на кабардинском языке

АДЫГЭ ХЪЫБАРЫЖЬ

Iуащхьих

ЦЕЙ (СЭХЬИД) ДЖЭУДЭТ ДУНЕЙМ ЕХЫЖАЩ

ЩIышылэм и 30-м дунейм ехыжащ Сирием къыщыхъуа икIи щыпсэуа дин узэщIакIуэ, егъэджакIуэ Цей Джэудэт.

ЛЪЭХЪЭНЭ ЖЫЖЬЭМ КЪЫЩОЖЬЭ

Зи IуэхущIафэ дахэхэмкIэ дуней псом зи цIэ щызыгъэIуа IэщIагъэлIхэр ди мащIэкъым лъэпкъым. Пасэ зэманым уIэбэжмэ, дыщэкI, гъукIэ, дэрбзэр IэщIагъэхэр зи Iэпэгъуу щытахэрщ япэ дыдэу утыкушхуэ дизышауэ къэлъытапхъэр. Лъэпкъ тхыдэм уриплъэжмэ, абыхэм ящыщ дэтхэнэм и къежьапIэри къикIуа гъуэгуанэри зэхэхауэ къыщыгъэлъэгъуэжащ.

МАМЫРЫГЪЭМРЭ ЛЪЭЩАГЪЫМРЭ ЗИ НЭЩЭНЭ

Китайм и къалащхьэ Пекин дыгъуасэ Iэтауэ къыщызэIуахащ ХХIV ЩIымахуэ Олимп джэгухэр. Дунейпсо мыхьэнэ зиIэ спорт зэхьэзэхуэ иным кърихьэлIащ ЩIы Хъурейм и щIыпIэ куэдым къикIахэр. Пасэрей алыджхэм кърагъэжьа Олимпиадэхэр щекIуэкI лъэхъэнэм къриубыдэу ижь-ижьыж лъандэрэ зауэ псори къызэтрагъэувыIэрти, лIыгъэ зэхэгъэкIыпIэр спорт зэхьэзэхуэхэр щекIуэкI утыкухэм Iэпхъуэрт.

ДЫЗЭРЫГУШХУЭ КЪЭФАКIУЭ ГУП

УФ-мрэ КъБР-мрэ цIыхубэ къафэхэмкIэ щапхъэу къыщалъыта, «Урысейм щIыхь зиIэ и ансамбль», республикэпсо, урысейпсо, дунейпсо фестивалхэмрэ зэпеуэхэмрэ я лауреат, «Кавказ Ищхъэрэм и вагъуэщIэ» щIыхьыцIэр къызыхуагъэфэща, «Урысей Артиадэм» и лауреат, ЩIалэгъуалэмрэ студентхэмрэ я XIX дунейпсо фестивалу 2017 гъэм Сочэ къалэм щекIуэкIам хэта, КъБР-м и Правительствэм и щIыхь тхылъыр мызэ-мытIэу зыхуа

АДЫГЭУ УКЪАЛЪХУНЫР НАСЫПЩ

Гур здэкIуэм кIуэфыр лIыфIщ, жиIащ пасэрей адыгэм. ЛIыфIым къы­щы­мынэу, абы насып къызэ­ры­дэкIуэри, гупсэхугъуэрэ бе­рычэтрэ къызэрыпэкIуэри щынэрылъагъущ Тыркум къы­щалъхуа, зи адэжь щIыналъэм къэкIуэжауэ тыншу щыпсэу Къейтыкъуэ Му­хьэрэм и гъащIэм. Хэхэсы­ныр зи натIэ хъуа адыгэ ме­л­уанхэм ящыщт Мухьэрэм.

ТОПКАПЫ, АЙЯ СОФИЯ, СУЛТАНАХМЕТ Главные вкладки

Топкапы уардэунэр Истамбыл и зыплъыхьыпIэ нэхъ ехьэжьахэм ящыщщ. Илъэс 400-м нэблагъэкIэ Уэсмэн къэралыгъуэм и пащтыхьхэр щыпсэуар аращ. Иджы цIыхухэм я зыплъыхьыпIэщи, Европэ музейхэм ящыщу нэхъыбэ дыдэ зэкIуалIэхэм хабжэ. Абы и пщIантIэм километри 5 и кIыхьагъщ, метр зэбгъузэнатIэ мин 700 еубыд.

АДЫГЭ МЭКЪУМЭШЫЩIЭМ И ИЛЪЭС МАХУЭГЪЭПСЫР

Ижь-ижьыж лъандэрэ Кавказ щIыналъэм щыпсэу лъэпкъхэм ящыщ зыщ адыгэхэр. Абыхэм я тхыдэмрэ  хабзэмрэ я лъабжьэр къызэрежьэрэ илъэс мин куэд мэхъу, зэман блэкIа куэдым я нэпкъыжьэ телъщ. Ар уи фIэщ хъун щхьэкIэ ирикъунщ адыгэбзэм и къулеягъыр, абы хэт фIэщыгъэцIэхэм я къэхъукIэм, къэгъэщIыкIэм и гъэщIэгъуэнагъыр.

КЪЭРАЛЫМ И КОМАНДЭ КЪЫХЭХАХЭМ ЗЫЩАГЪЭХЬЭЗЫРЫНУ

Псы есыпIэ бассейн зыхэт физкультурэ-узыншагъэр щрагъэфIакIуэ комплекс щаухуэну я мурадщ Къэбэрдей-Балъкъэрым хыхьэ Iуащхьэмахуэ куейм.

КъБР-м спортымкIэ и министр Хьэсанэ Ислъам зэрыжиIамкIэ, Урысей Федерацэм щынэхъ лъагэ дыдэ щIыпIэм - Тырныауз щаухуэну комплексым зыщагъэсэну Iэмал ягъуэтынущ спорт лIэужьыгъуэ куэдымкIэ зызыгъэхьэзыр къэралым и командэ къыхэхам хэт спортсменхэм.

ВЕТЕРАНЫМ И МАСТЕР-КЛАСС

«Сабий стадион» КъБР-м и къэрал бюджет IуэхущIапIэм и футбол джэгупIэ губгъуэм щекIуэкIащ республикэм регбимкIэ и командэ къыхэхам и зыгъэсэныгъэ. Абы кърихьэлIат Налшык къалэ администрацэм Физическэ щэхабзэмкIэ, спортымрэ щIалэгъуалэ IуэхухэмкIэ управленэм и «Налшык» спорт школым зыщызыгъасэ илъэс 16 зи ныбжь спортсменхэмкIэ.

Страницы

Подписка на RSS - Статьи на кабардинском языке