Дзэлыкъуэ щIыналъэм хыхьэ Сэр­макъ къуажэм дэт  Махуэ Дадушэ и цIэр зезыхьэ ЩэнхабзэмкIэ унэр къызыхуэтыншэу зэрагъэпэщыжащ. 1983 гъэм яухуауэ щыта унэр къагъэщIэрэщIэжащ «Щэнхабзэ» лъэпкъ пэхуэщIэм ипкъ иткIэ икIи илъэс кIуам и кIэхэм абы и бжэр къызэIуихыжащ.

Къэрал куэдым къыщыдэкI Nature щIэныгъэ журналым иджыблагъэ къытехуащ США-м и Калифорние штатым щыIэ еджапIэ нэхъыщхьэхэм ящыщ зым щылажьэ астрономхэм ди Галактикэм (Шыхулъагъуэм) и кум алъандэрэ зыхамыщIыкIа вагъуэ гъэщIэгъуэнхэр къызэрыщалъэгъуам. 

Урысейм и Уголовнэ-гъэзэщIакIуэ IэнатIэм и лэжьакIуэхэм гъатхэпэм и 12-м ягъэлъапIэ я махуэр. Мы гъэм илъэси 146-рэ  ирокъу ФСИН-р къызэры­зэ­рагъэпэщрэ, Къэбэрдей-­Балъкъэрым щыIэ щIыналъэ управленэр илъэсищэм щIигъуащ.

Хэку зауэшхуэм и илъэсхэм 115-нэ Къэбэрдей-Балъкъэр шуудзэм хэту хэкIуэдахэм я фэеплъыр - сэшхуэкIэ танкхэмрэ топхэмрэ япэщIэува шууей псэемыблэжыр - Налшык къалэм зэ къыдыхьам и нэгум къыщIонэ.

КъБР-м и Iэтащхьэ КIуэкIуэ Казбек ухуэныгъэм, коммунальнэ инфраструктурэр къэгъэщIэрэщIэжыным, абы ипкъ иткIи «ПсэукIэр егъэфIэкIуэнымкIэ ухуэныгъэхэр» лъэпкъ проектыщIэр гъэзэщIэным теухуа зэIущIэ иригъэкIуэкIащ.

КъБР-м и Парламентым и депутатхэр, «Къэрал сы­хьэтым» хыхьэу, яIущIащ Налшык къалэм предмет щхьэхуэхэр нэхъ куууэ щрагъэдж, Пушкин Александр и цIэр зезыхьэ курыт школ №5-м и 11-нэ классхэм щIэсхэм.

  Адыгэхэм ди Хэкужьым ехьэлIа щIыпIэцIэхэр, ди гуапэ зэрыхъуу апхуэдизу куэдыщэщи, газет IэмалкIэ зы тхыгъэкIи тхыгъитIкIи къыпхузэщIэмыубыдэным хуэдизщ.

Зи гугъу тщIы фIэщыгъэхэр зэхуэхьэсыжыным илъэс куэдкIэ, игуи и щхьи етауэ, пэрыта, ноби а Iуэхум пызыщэ лъахэхутэ емызэшщ ди къэралым и дзэ зэщIэузэдахэм хэта, отставкэм и полковник Тохъу Мухьэмэд.  

КъытщIэхъуэ щIэблэр псэкупсэу къэгъэтэджынымкIэ мыхьэнэ иIэщ тхыдэм. Абы дерс къыхэзыхыф лъэпкъыр щыIэныгъэм зэрыхэмыкIуэдэжынум и щыхьэтыгъэ Iэджи гъащIэм къигъэлъэгъуащ. БлэкIам къыщыхъуар акъылкIэ зэзыгъэзахуэм и къэкIуэныр фIым зэрыхуэузэщIам и щапхъэщ цIыхубэр а дыгъуасэрей махуэхэм зэрыхущыт щIыкIэри.

Дызэрыт илъэсым къриубыдэу Къэбэрдей-Балъкъэрым и щIыналъэхэм псори зэхэту километр 84-рэ зи кIыхьагъ автомобиль гъуэгухэр щыIэ мардэм кърагъэтIэсыжынущ. Лэжьыгъэхэр ирагъэкIуэкIынущ «ГъащIэм папщIэ инфраструктурэ» лъэпкъ пэхуэщIэм ипкъ иткIэ икIи абыхэм трагъэкIуэдэну мылъкур щIыналъэм и гъуэгу фондым къыхэкIынущ.

«Къалэ псэукIэр егъэфIэкIуэн» лъэпкъ пэхуэщIэм ипкъ иткIэ Дзэлыкъуэ щIыналъэм и къуажэхэм цIыхухэр куэду щызэхуэс я щIыпIэ зыбжанэ зэIузэпэщ ящIащ нэгъабэ. Псалъэм къыдэкIуэу, зэгъэпэщыжыныгъэ лэжьыгъэхэр щрагъэкIуэкIащ Дзэлыкъуэдэс, Шордакъ, Хьэбэз жылэхэм я жыг хадэ цIыкIухэм.