КъБР-м щыIэ МВД-м щекIуэкIащ «Динамо» урысейпсо ­физкультурэ-спорт жылагъуэ-къэрал зэгухьэныгъэм и щIыналъэ IуэхущIапIэм и лэжьыгъэм щриплъэжа зэIущIэ. Абы хэтащ Урысей МВД-м и республикэ, район къудамэхэм я унафэщIхэр. 

ФокIадэм и 27-р Туризмэм и дунейпсо махуэщ. Ар ягъэ­лъэпIэну къыщыхалъхьауэ щытащ 1979 гъэм Испанием и Торремолинос къалэм ще­кIуэкIа, Туристхэм я дунейпсо зэгухьэныгъэм и зи чэзу зэIущIэм икIи трагъэхуащ а зэгухьэныгъэм и Уставыр къыщащта махуэм.

КъБР-м и Парламентым и Президиумым и зэIущIэ иджыблагъэ щекIуэкIащ Дзэлыкъуэ районым. «Правительствэм хухах сыхьэтым» хыхьэу, депутатхэр тепсэлъыхьащ Къэбэрдей-Балъкъэрым и къуажэхэм физическэ щэнхабзэмрэ спортымрэ зэрызыщрагъэужьым.

Ди республикэм и туризм IэнатIэм и зэфIэкIхэр къащIэнтэкъым, щIыналъэм и лIыкIуэхэр дунейпсо, урысейпсо гъэлъэгъуэныгъэхэм илъэс къэс хэмыту щытамэ. Абыхэм ящыщ зыт «ЗыплъыхьакIуэ къэкIухь» фIэщыгъэр зэрихьэу туризмэм теухуауэ Мэзкуу къалэм и ВДНХ-м мы гъэм щекIуэкIа дунейпсо зэхуэсыр. Ди щIыналъэм и лIыкIуэхэм я пашэу абы щыIащ КъБР-м курортхэмрэ туризмэмкIэ и министр Быф Аскэр.

Адыгэхэм я махуэм ирихьэлIэу КъБР-м и Лъэпкъ ­музейм къыщызэIуахащ а IуэхущIапIэмрэ Адыгэ Республикэм и Лъэпкъ музеймрэ зэгъусэу къызэрагъэпэща «Черкешенка. Гармония, изящество, стиль» зи фIэщыгъэ гъэлъэгъуэныгъэ купщIафIэ. 

Къэбэрдей-Балъкъэр Республикэм и къалэхэм­рэ къуажэхэмрэ, ди лъэп­къэгъухэр щыпсэу дэнэ щIыпIи фокIадэм и 20-м Адыгэхэм я махуэр гукъи­нэжу щагъэ­лъэпIащ. Налшык къалэм и прогим­назие №34-ми къыщызэ­рагъэпэщат махуэшхуэм ира­щIэкIа зэхыхьэ гъэ­щIэ­гъуэнхэр. 

ХъыбарегъащIэ IэнатIэм и мыхьэнэр жылагъуэм дапщэщи щыинщ. Газетхэм, телевиденэм, радиом я фIыгъэкIэ щIыпIэм щызэлъэщIыса хъур къэхъукъащIэхэм ятеу­хуа хъыбархэм я закъуэкъым, атIэ яунэ­тIыф жылагъуэ гупсысэр, цIыхухэм я дуней еплъыкIэр. Апхуэдэ къалэнышхуэхэр игъэзащIэу илъэс 80 лъандэрэ Тэрч щIыналъэм къыщыдокI «Терек-1» район газетыр.

СурэтыщI-модельер, дэр­бзэр Iэзэ ХьэцIыкIу Мадинэ и IэдакъэщIэкIхэм я гъэлъэгъуэныгъэ Адыгэхэм я махуэм ирихьэлIэу къыщызэ­Iуахащ Къэбэрдей-Балъкъэ­рыр илъэси 100 зэрыхъум и цIэр зезыхьэ паркым ит ­галереем. «Iуданэхэм къа­Iуэ­тэжа хъыбархэр» («Истории, рассказанные нитями») зы­фIаща зэIущIэр гукъи­нэжщ, щIэщыгъуэщ, телъы­джэщ. 

Урысейм нэхъыфIу къыщалъытахэм хагъэхьащ Къэбэрдей-Балъкъэрым щызэтраубла проектитI. Ахэр Кавказ Ищхъэрэм и студентхэм я зэгухьэныгъэм игъэзащIэ «ЛIыхъужьхэм я щIэблэр», Май къалэм Сабий творчествэмрэ щIалэгъуалэ жэрдэмхэмкIэ и центрым зэхилъхьа «Ди зэманым и лIыхъужьхэр» жыхуиIэхэрщ.

Хъыбар гуапэ иджыблагъэ къытIэрыхьащ. Урысей Федерацэм и Президент Путин Владимир и унафэкIэ, «Хэкум и пащхьэм щиIэ фIыщIэхэм папщIэ» етIуанэ нэгъыщэ зиIэ орденым и медалыр къыхуагъэфэщащ Къэбэрдей-Балъкъэрым и дзюдоист, спортсмен цIэрыуэ Блий Iэюб.