Россейни Къырал Думасыны депутаты Виктория Родина Юйюрлеге эм сабийлеге болушлукъну республикалы арасында болгъанды. Аны стационар бёлюмюнде  къуралгъан  болумланы кёргенди, сабийчикле бла ушакъ  этгенди.

Къабарты-Малкъарда «Жашау этерге инфраструктура» миллет проектге кёре  жолла тап эм къоркъуусуз болурча аслам иш этиледи.

Ич ишле органлада къуллукъ этген кезиуде жан берген полициячыланы эсгериуню кюнюню чеклеринде Элбрус районну право низамны сакълаучулары Тырныауузну 5-чи номерли гимназиясыны окъуучулары бла тюбешиу бардыргъандыла.

Росгвардияны кадет классыны окъуучулары «Уллу этнография диктант» жарыкъландырыу жумушлагъа къатышхандыла. Жашла бла къызла тарых, маданият, Россейни халкъларыны тёрелери, адетлери бла байламлы соруулагъа жууапла берип, билимлерин сынагъандыла.

Жетинчи ноябрьден КъМР-ни  муниципал культураларында жыл сайын бардырылыучу «Ана тилим – жаным-тиним» деген фестивальны жумушлары башланнгандыла.

Аны жыл сайын КъМР-ни Жарыкъландырыу  эм илмуну министерствосу бардырады. Быйыл  республикада бардырылгъанлы 20 жыл толады.

КъМР-де «Жаш тёлю артыкълыкълагъа къажауду» деген проект бардырылады. Ол жаш тёлюню экстремизмни ниетлеринден кенг этерге деп къуралгъанды. Бу проектни жумушлары Нальчикде, Басхан, Лескен эм Терк районлада ётгендиле. Алагъа къатышхан жаш адамла жашауну юсюнден тюз  оюм этерге,  юйренедиле.

Къабарты-Малкъарда «Жашау этерге инфраструктура» миллет проектге кёре  жолла тап эм къоркъуусуз болурча аслам иш этиледи.

Быйыл жылны башындан бери  «Каббалкэнерго» биригиуню  1 545 чакълы специалисти  электрокюч жаны бла  билим бериу учреждениялада  тийишли курсланы ётгендиле, деп билдиредиле электрокюч бла жалчытхан биригиуню пресс-службасындан.

Кёп болмай Къабарты-Малкъар къырал университетде  робототехника бла пилотсуз  системалагъа аталгъан регион магъаналы форум болгъанды.  Анга вузланы, промышленный компанияланы, къырал  структураланы  келечилери,  экспертлени къаууму эм башхала къатышхандыла. 

Грецияны Лутраки шахарында грэпплингден дунияны чемпионатына 15 къыралдан 330-дан аслам спортчу къатышхандыла. Аланы араларында республикабызны келчилери да болгъандыла, ала юч алтын эмда бир доммакъ майдал бла къайтхандыла.