КъМР-де МВД-ны Жолда жюрюуню къоркъуусузлугъу жаны бла управлениясына шёндюгю излемлеге келишген 58 патруль машина берилгенди. Анга аталгъан къууанчха КъМР-ни Башчысы Казбек Коков да къатышханды.

Роскосмос 2020 жылда Шимал Кавказны республикаларында Космонавтланы хазырлагъан араны бёлюмлерин ачар муратлыды. Аны юсюнден къырал корпорацияны таматасы Дмитрий Рогозин Омск шахарда «Полёт» производство биригиуде болгъанында айтханды.

РФ-ни Шимал Кавказны ишлери жаны бла министри Сергей Чеботарёвну башчылыгъында «Шимал-Кавказ федерал округну айнытыу» къырал программаны жашауда бардырыу вопросла бла байламлы кенгеш ётгенди.

Россейни ФСИН-ини КъМР-де Управлениясыны жылны озгъан тогъуз айында ишини эсеплери чыгъарылгъандыла, къалгъан айлагъа борчла белгиленнгендиле. Анга аталгъан коллегияны ишине ведомствону бёлюмлерини, службаларыны таматалары, тюзетиучю колонияланы башчылары  да къатышхандыла.

Нальчик шахар округда тротуарланы жангыртыу эмда тапландырыу ишле андан ары бардырыладыла. Мэриядан билдиргенлерича, бу кюнледе Ленин атлы проспектни Тлостанова орам эм КъМКъАУ бла чекленнген кесегинде мадар этиле турады.

Къашхатауда Уллу Ата журт урушну кезиуюнде бу эл ючюн душман бла къазауатха кирген 37-чи аскерни 2-чи стрелковый гвардиячы дивизиясыны 350 аскерчиси асыралгъанды. Ол жерге жолну ханс басмайды, ары адамла ёлгенлеге баш урургъа, гюлле салыргъа терк-терк келедиле.

Тюнене Нальчикде Къабарты-Малкъарны Башчысы Казбек Коковну бла Россей Федерацияны Президентини Шимал-Кавказ федерал округда толу эркинликли келечисини орунбасары Игорь Рабковну тюбешиулери болгъанды. Сыйлы къонакъ республикагъа иш бла келгенди.

Халкъланы бирлигини кюню бизни республикада «Россей - биригипди!» деген чакъырыу бла белгиленнгенди. Шахарлада, районлада, элледе да тюрлю-тюрлю къууанчла, ол санда сурат кёрмючле, спорт эришиуле, концертле да бардырылгъандыла.

КъМР-ни Башчысы Казбек Коков «Единая Россия» партияны республикада бёлюмюне башчылыкъ этерикди. Тюнене регион бёлюмню XXXI конференциясыны делегатлары барысы да бирча аны жанлы къол кётюргендиле.

Тюнене Къабарты-Малкъарны халкъ поэти, Ленинчи саугъаны, СССР-ни, РФ-ни да Къырал саугъаларыны лауреаты Къулийланы Къайсын туугъанлы 102 жыл толгъанды. Тёредеча, Нальчикде закийни атын жюрютген проспектде байрым кюн аны эсгертмесине гюлле салыу болгъанды.