Къабарты-Малкъарда Россейни кюнюне аталгъан ишле алгъаракъладан окъуна башланнгандыла. 5 июньда уа Нальчикде Жаш къараучуну театрында «Биз хорламыбызны ёз къыйыныбыз бла  болдургъанбыз» деген регион  проектге къатышханла «Орус вальс» флешмобха къошулгъандыла.

Бу кюнледе КъМР-ни халкъ поэти закий Къайсын дуниядан кетгенли 40 жыл толгъанды. Аны бла байламлы биз поэтни жашаууна, чыгъармачылыгъына энтта да бир къайтабыз, назмуларын эсгеребиз, окъуйбуз.

Кёп болмай Къабарты-Малкъар къырал университетде юристлени  тёртюнчю  халкъла аралы илму-излем конференциялары болгъанды. Анда   хакъсыз  болушлукъ тапдырыуну   амаллары эм къыйматлыгъы да  сюзюлгенди.

Кёп болмай  Къабарты-Малкъар къырал университетни  Элбрусда билим бериу-илму комплексинде «Электроникада микро эм  нанотехнологияла» деген онбешинчи халкъла аралы илму-техника конференция бардырылгъанды, деп билдиргендиле вузну пресс-службасындан.

«Каббалкэнерго» компанияны Черек районда бёлюмюню окъутуу-юйретиу тийресинде эришиуле ётгендиле. Анга къатышхан энергетикле, ол санда сетьлени жумушларына къарау эмда техникагъа бла оборудованиягъа ремонт этиу бла кюрешген онюч специалист ишчи хунерликлерин кёргюзтгендиле.

Быйыл Россейде «Жашау этерге инфраструктура» миллет проектге кёре, мектеплеге, сабий садлагъа, вузлагъа, чыгъармачылыкъ эм спорт  аралагъа баргъан   юч минг километр чакълы бирде жоллагъа тынгылы ремонт этилликди.

Бу кюнледе Киров шахарда жаш тёлюню арасында бир жолгъа  спортну беш тюрлюсюнден Россейни биринчилиги эмда  шёндюгю пятиборьеден регионла аралы турнир бардырылгъандыла. 

Нальчикни ара солуу паркында чекленнген онглары болгъан сабийлеге онекинчи зауукълу эришиуле къуралгъандыла. Алагъа Спорт министерствону адаптив школуна жюрюгенле, республиканы шахарларындан бла эллеринден сабийле къатышхандыла, аланы саны жюзден аслам болгъанды.

Орус география биригиуню (РГО) къыралда бир ненча бёлюмюню башчылары алгъаракълада Нальчикде жыйылгъандыла. Ала эмда университетлени, музейлени, институтланы таматалары да къатышып, Правительствону юйюнде бу биригиуню стратегиялы сессиясы ётгенди.

Бирси кюн Нальчикни аэропортунда кече ортада  Сочиден жангы рейс бла учхан эрттеден сакъланнган хауа кемеге тюбегендиле, деп билдириледи КъМР-ни Транспорт эмда жол мюлк  министерствосуну пресс-службасындан.